အမျိုးသားမှတ်တမ်းများမော်ကွန်းတိုက်ဦးစီးဌာန ညွှန်ကြားရေးမှူးချုပ်သည်  အမျိုးသားမှတ်တမ်းများမော်ကွန်းတိုက်ဦးစီးဌာန(ရန်ကုန်ရုံးခွဲ) မှ ဝန်ထမ်းများဖြင့် ဝန်ထမ်းထုတွေ့ဆုံပွဲ အခမ်းအနားကို  ၁၁-၁၂-၂၀၂၃ နေ့ နံနက် ၁၀: ၃၀ နာရီ၌ ကျင်းပ ခဲ့ပါသည်။ အဆိုပါတွေ့ဆုံပွဲတွင်  ညွှန်ကြားရေးမှူးချုပ်က စီမံကိန်းနှင့်ဘဏ္ဍာရေး ဝန်ကြီးဌာန၏ လမ်းညွှန်ချက်များနှင့် ဝန်ထမ်းများအနေဖြင့် လိုက်နာစောင့်ထိန်းရမည့် တာဝန်များကို ရှင်းလင်းပြောကြားပါသည်။

ဆက်လက်၍ ညွှန်ကြားရေးမှူးချုပ်က ပြောကြားရာတွင် မကြာမီကာလတွင် ဘဏ္ဍာရေးနှစ်၏ တတိယသုံးလပတ်ကုန်ဆုံးတော့မည်ဖြစ်၍ လျာထားချက်ပါလုပ်ငန်း များကို ပြည့်မီခြင်း ရှိ၊ မရှိကို ဌာနခွဲတာဝန်ခံများအနေဖြင့် စိစစ်စေလိုကြောင်း၊  မှတ်တမ်းရယူရေးနှင့် ထိန်းသိမ်းစောင့်ရှောက်ရေးကို ကြိုးစားဆောင်ရွက်သွားရမည် ဖြစ်ကြောင်း၊ ဝန်ထမ်းများမှလည်း အခက်အခဲရှိပါက ပွင့်လင်းစွာ တင်ပြရန် ဖိတ်ခေါ် ပါကြောင်း၊ ရုံးသန့်ရှင်းရေးကို အပတ်စဉ် ဝန်ထမ်းများကိုယ်တိုင် ဆောင်ရွက်စေလို ကြောင်း၊ လုံခြုံရေးကိုလည်းအထူးဂရုပြုရန်၊ဝန်ထမ်းများအနေဖြင့် ဌာန၏ လျာထားချက် လုပ်ငန်းများ အောင်မြင်စေရန်၊ ညီညီညွှတ်ညွတ် ဝိုင်းဝန်းလက်တွဲ၍ ဆောင်ရွက်စေ လိုကြောင်းပြောကြားပြီး လိုအပ်သည်များကို ဖြည့်ဆည်းဆောင်ရွက်ပေးခဲ့ပါသည်။