နှစ်(၇၀)ပြည့် အပြည်ပြည်ဆိုင်ရာ မော်ကွန်းတိုက်များနေ့အထိမ်းအမှတ်အဖြစ် စာတမ်းဖတ်ပွဲအခမ်းအနားကို ၂၀၁၈ ခုနှစ်၊ ဇွန်လ (၉)ရက်နေ့တွင် နေပြည်တော်ရှိ အမျိုးသားမှတ်တမ်းများ မော်ကွန်းတိုက်ဦးစီးဌာနတွင် ကျင်းပပြုလုပ်ခဲ့ရာ စီမံကိန်းနှင့်ဘဏ္ဍာရေးဝန်ကြီးဌာန အမြဲတမ်းအတွင်းဝန် ဦးထွန်းထွန်းနိုင်က အဖွင့်အမှာစကား ပြောကြားပေးခဲ့ပြီး အခမ်းအနားသို့ ပြည်ထောင်စုရွေးကောက်ပွဲကော်မရှင်အဖွဲ့ဝင် ဦးမြင့်နိုင်၊ ပြန်ကြားရေးဝန်ကြီးဌာန အမြဲတမ်းအတွင်းဝန် ဦးမျိုးမြင့်မောင်၊ ဌာနဆိုင်ရာအကြီးအကဲများနှင့် ဖိတ်ကြားထားသည့် ဧည့်သည်တော်များ တက်ရောက်ခဲ့ကြသည်။ အခမ်းအနားသို့ စာတမ်းရှင်များဖြစ်ကြသော အမျိုးသားမှတ်တမ်းများမော်ကွန်းတိုက်ဦးစီးဌာန ညွှန်ကြားရေးမှူး(ငြိမ်း) ဆရာမကြီး ဒေါ်ခင်ခင်ထွန်း၊ တက္ကသိုလ်များစာကြည့်တိုက် စာကြည့်တိုက်မှူး(ငြိမ်း) ဆရာမကြီးဒေါ်တင်ဘုန်းနွယ်၊ တက္ကသိုလ်များသမိုင်းသုတေသနဦးစီးဌာန ညွှန်ကြားရေးမှူး(ငြိမ်း) မြန်မာသမိုင်းကော်မရှင်အဖွဲ့ဝင် ဆရာကြီးဦးမြဟန်နှင့် အမျိုးသားမှတ်တမ်းများမော်ကွန်းတိုက်ဦးစီးဌာန လက်ထောက်ညွှန်ကြားရေးမှူး ဒေါက်တာလတ်လတ်စိုးတို့က မော်ကွန်း၊ မှတ်တမ်းပညာရပ်ဆိုင်ရာ စာတမ်းများကို ဖတ်ကြားပေးကြပြီး အခမ်းအနားကို အောင်မြင်စွာကျင်းပပြုလုပ်ခဲ့ပါသည်။