အမျိုးသားမှတ်တမ်းများမော်ကွန်းတိုက်ဦးစီးဌာနမှ ညွှန်ကြားရေးမှူး ဒေါ်စောနန်းနွယ်မှ UNESCO (MOW) အစီအစဉ်ဖြင့် ရန်ကုန်မြို့တွင် ကျင်းပပြုလုပ်သော မြန်မာနိုင်ငံမှ မှတ်တမ်းအမွေအနှစ်များကို ထိန်းသိမ်းစောင့်ရှောက်ခြင်း အလုပ်ရုံဆွေးနွေးပွဲတက်ရောက်ခဲ့ခြင်းနှင့်ပတ်သက်၍ အတွေ့အကြုံရှင်းလင်းပွဲကို အမျိုးသားမှတ်တမ်းများမော်ကွန်းတိုက်ဦးစီးဌာန(နေပြည်တော်)တွင် ၂၀၁၈ ခုနှစ် မတ်လ ၂၂ ရက်နေ့ (၁၄:၀၀)နာရီတွင် ကျင်းပခဲ့ပါသည်။ အဆိုပါရှင်းလင်းပွဲတွင် မှတ်တမ်းအမွေအနှစ်၏အဓိပ္ပာယ်၊ ကမ္ဘာ့အောက်မေ့ဖွယ်ရာများကို မှတ်ပုံတင်ခြင်း၊ မြန်မာနိုင်ငံမှ MOW စာရင်းဝင်မှု တင်ပြချက်များ၊ MOW စာရင်းဝင်နိုင်ရေးအတွက် ဆောင်ရွက်ရမည့်အချက်များ၊ အမျိုးသားမှတ်တမ်းများမော်ကွန်းတိုက်ဦးစီးဌာနမှ MOW စာရင်းဝင်နိုင်ရေးအတွက် တင်ပြထားသော ၁၈၂၄ ခုနှစ်၊ စစ်သူကြီးမဟာဗန္ဓုလပေစာနှင့်ပတ်သက်၍ ဆောင်ရွက်မှုအခြေအနေများကို ရှင်းလင်းဆွေးနွေးခဲ့ပါသည်။ ဝန်ထမ်များမှ သိလိုသည်များကို မေးမြန်းဆွေးနွေးပြီး ညွှန်ကြားရေးမှူးချုပ်မှ လိုအပ်သည်များကို ဖြည့်စွက်ဆွေးနွေးခဲ့ပါသည်။ ဆွေးနွေးပွဲသို့ အမျိုးသားမှတ်တမ်းများမော်ကွန်းတိုက်ဦးစီးဌာနမှ ဒုတိယဦးစီးမှူးအဆင့်ထိရှိ အရာထမ်းများနှင့် အမှုထမ်းများတက်ရောက်ခဲ့ကြပါသည်။