စီမံကိန်းနှင့်ဘဏ္ဍာရေးဝန်ကြီးဌာန

စီမံကိန်းစိစစ်ရေးနှင့်တိုးတက်မှုအစီရင်ခံရေးဦးစီးဌာန

မီးဘေးလုံခြုံရေးဆိုင်ရာစီမံခန့်ခွဲမှု အသိပညာဖလှယ်ရေး အစီအစဉ် (Knowledge Sharing) ဖွင့်ပွဲအခမ်းအနားကျင်းပခြင်း

         စီမံကိန်းနှင့် ဘဏ္ဍာရေးဝန်ကြီးဌာန၊ စီမံကိန်းစိစစ်ရေးနှင့် တိုးတက်မှုအစီရင်ခံရေးဦးစီး ဌာနမှ ဒုတိယညွှန်ကြားရေးမှူး၊ ဦးသိန်းလှိုင်သည် ပြည်ထဲရေးဝန်ကြီးဌာန၊ မီးသတ်ဦးစီးဌာန၊ ဇမ္ဗူသီရိမြို့နယ်၊ နေပြည်တော် မီးသတ်စခန်းတွင် ၂၉-၇-၂၀၂၄ ရက်နေ့မှ ၁၆-၈-၂၀၂၄ ရက်နေ့ထိ ဖွင့်လှစ်ပို့ချခဲ့သော မီးဘေးလုံခြုံရေးဆိုင်ရာစီမံခန့်ခွဲမှုသင်တန်း (အထူး) အမှတ်စဉ် (၆) သို့ တက် ရောက်သင်ကြားခဲ့သည့် အကြောင်းအရာများကို ဌာနရှိ ဝန်ထမ်းများအား ပြန်လည်မျှဝေနိုင်ရန်၊ ဝန်ထမ်းများအကြား အပြန်အလှန်ဆွေးနွေးခြင်းမှ ရရှိလာသည့်အချက်များအပေါ် အခြေခံ၍ ဌာန၏ မီးဘေးအန္တရာယ်ကြိုတင်ကာကွယ်ရေးစီမံချက်ကို ပြန်လည်ပြင်ဆင်ရေးသားရန်နှင့် မီးဘေးအန္တရာယ်ဖြစ်ပွားပါက အလျင်အမြန်တုံ့ပြန်ဆောင်ရွက်မည့် လုပ်ငန်းလမ်းညွှန်ချက် များအား ပြုစုရေးသားခြင်းတို့ ဆောင်ရွက်ရာတွင် အထောက်အကူပြုနိုင်ရန်အတွက် မီးဘေးလုံခြုံရေးဆိုင်ရာ စီမံခန့်ခွဲမှု အသိပညာဖလှယ်ရေးအစီအစဉ် (Knowledge Sharing) ပြုလုပ်ခြင်းဖြစ်ပါသည်။

          အဆိုပါ မီးဘေးလုံခြုံရေးဆိုင်ရာစီမံခန့်ခွဲမှု အသိပညာဖလှယ်ရေးအစီအစဉ် (Knowledge Sharing) ဖွင့်ပွဲအခမ်းအနားကို ၂၇-၈-၂၀၂၄ ရက်နေ့၊ နံနက် (၀၈:၃၀) တွင် ပြုလုပ်ခဲ့ပြီး ဒုတိယ ညွှန်ကြားရေးမှူးချုပ်၊ ဒေါ်ခင်ဆွေလတ်မှ အဖွင့်အမှာစကားပြောကြားခဲ့ပါသည်။ မီးဘေးလုံခြုံ ရေးဆိုင်ရာစီမံခန့်ခွဲမှု အသိပညာဖလှယ်ရေးအစီအစဉ်ကို ၂၇-၈-၂၀၂၄ ရက်နေ့မှ ၉-၉-၂၀၂၄ ရက် နေ့အထိ (၁၀) ရက်ကြာ ကျင်းပပြုလုပ်မည်ဖြစ်ပြီး မီးဘေးအန္တရာယ် ကြိုတင်ကာကွယ်ရေးစီမံ ချက်တွင်ပါဝင်သည့် အဖွဲ့ဝင် (၂၁) ဦး တက်ရောက်လျက်ရှိပါသည်။