_0.png)
, 
စီမံကိန်းနှင့်ဖွဲ့စည်းပုံစိစစ်ရေးအဖွဲ့၏ (၄/၂၀၁၈)ကြိမ်မြောက် အစည်းအဝေးကို ၂၁-၅-၂၀၁၈ ရက်နေ့(၀၉း၀၀)နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၂၆) အစည်းအဝေးခန်းမ၌ ကျင်းပခဲ့ရာ စီမံကိန်းနှင့်ဖွဲ့စည်းပုံစိစစ်ရေးအဖွဲ့၊ ဥက္ကဋ္ဌ၊ စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး၊ ဦးကျော်ဝင်းနှင့် ဒုတိယဥက္ကဋ္ဌ၊ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး၊ ဦးသိန်းဆွေ တက်ရောက်ခဲ့ပါသည်။
အစည်းအဝေးတွင် ပြည်ထောင်စုအဆင့် အဖွဲ့အစည်း(၁)ခုမှ အဆိုပြုတင်ပြလာသည့် ဖွဲ့စည်းပုံ(၁)ခုနှင့် ပြည်ထောင်စုဝန်ကြီးဌာန(၄)ခုမှ အဆိုပြုတင်ပြလာသည့် ဖွဲ့စည်းပုံ(၈)ခု၊ စုစုပေါင်းအဆိုပြုဖွဲ့စည်းပုံ(၉)ခုကို ထောက်ခံဆွေးနွေးခဲ့ပြီး ပြည်သူများ၏လုံခြုံရေး၊ တရားဥပဒေ စိုးမိုးရေး၊ လမ်းပန်းဆက်သွယ်ရေး အဆင်ပြေစေရေး၊ ကျေးလက်ဒေသ ဖွံ့ဖြိုးတိုးတက်ရေး၊ လုပ်ငန်း စီမံကိန်းများ အကောင်အထည်ဖော်ရေးနှင့် စာရင်းအင်းအချက်အလက်များ မှန်ကန်စေရေး ထိရောက်စွာ ဆောင်ရွက်နိုင်ရန်အတွက် ဆွေးနွေးညှိနှိုင်းခဲ့ပါသည်။