ဒိန်းမတ်နိုင်ငံအစိုးရ၏ အထောက်အပံ့ဖြင့် စီမံကိန်းနှင့် ဘဏ္ဍာရေးဝန်ကြီးဌာန၊ ဗဟို စာရင်းအင်းအဖွဲ့ နှင့် ITAD တို့ ပူးပေါင်းဖွင့်လှစ်သည့် စောင့်ကြပ်ကြည့်ရှုခြင်းနှင့် အကဲဖြတ် ဆန်းစစ်ခြင်းဆိုင်ရာ လုပ်ငန်းစွမ်းဆောင်ရည် မြှင့်တင်မှုသင်တန်း (Essentials of Monitoring and Evaluation Training) သင်တန်းဆင်းပွဲ အခမ်းအနားကို ၂၀၁၈ခုနှစ် အောက်တိုဘာလ (၅)ရက်နေ့တွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၃၂)၊ နေပြည်တော်ရှိ အစည်းအဝေး ခန်းမ၌ ကျင်းပခဲ့ရာ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာဝါဝါမောင် နှင့် ITAD မှ အဖွဲ့ခေါင်းဆောင် Mr. Ivan Scott တို့မှ အဖွင့်အမှာစကား ပြောကြားခဲ့ပြီး သင်တန်းသားများ အား သင်တန်းဆင်း လက်မှတ်များ ပေးအပ်ခဲ့ပါသည်။ အဆိုပါသင်တန်းသည် ဌာနများ၊ အဖွဲ့အစည်းများမှ ဆောင်ရွက်နေသည့် စီမံကိန်းများ၏ လုပ်ငန်းစဉ်လည်ပတ်မှု Project Cycle အဆင့်ဆင့်အား သိရှိနိုင်ရန် နှင့် စီမံကိန်းများအား စောင့်ကြပ်ကြည့်ရှုခြင်းနှင့် အကဲဖြတ်ဆန်းစစ်ခြင်းများ ဆောင်ရွက်ရာတွင် လုပ်ငန်းစဉ်များကို သိရှိနားလည်နိုင်စေရန်၊ စီမံကိန်းများအား စောင့်ကြပ်ကြည့်ရှုအကဲဖြတ်ခြင်းမှ ရရှိလာသည့် တွေ့ရှိချက်များအရ ရင်းမြစ်များမျှဝေသုံးစွဲနိုင်ရန်၊ ပြန်လည်သုံးသပ်နိုင်ရန်နှင့် သင်တန်းသားများ အနေဖြင့် သက်ဆိုင်ရာဌာနများတွင် ဆင့်ပွားသင်တန်းများ ပြန်လည် သင်ကြားပေးနိုင်ရန် ရည်ရွယ်၍ ဖွင့်လှစ်ခဲ့ခြင်းဖြစ်ပါသည်။ သင်တန်းကာလမှာ (၂-၁၀-၂၀၁၈)ရက်နေ့မှ (၅-၁၀-၂၀၁၈)ရက်နေ့ အထိ ဖြစ်ပြီး သင်တန်းသို့ ဗဟိုစာရင်းအင်းအဖွဲ့ ရုံးချုပ်နှင့် ပြည်နယ်နှင့် တိုင်းဒေသကြီးများမှ သင်တန်းသား(၃၂)ဦး တက်ရောက်ခဲ့ကြပါသည်။ အောက်တိုဘာလ (၂) ရက်နေ့မှ (၅) ရက်နေ့အထိ