စီမံကိန်းနှင့်ဘဏ္ဍာရေးဝန်ကြီးဌာန Website www.mopf.gov.mm နှင့် ဗဟိုစာရင်းအင်း အဖွဲ့မှလွှင့်တင်ထားသည့် Websiteများဖြစ်သည့် www.mmsis.gov.mm၊ www.vrs1.gov.mm၊ www.vrs2.gov.mm နှင့် www.csotemplate.gov.mm တို့၏ Cyber Security ပိုမိုကောင်းမွန် စေရေးအတွက် လုံခြုံမှုအဆင့်မြှင့်တင်ရန် Cisco ASA5516 FirePOWER အမျိုးအစား Firewall(၂) ခု ချိတ်ဆက်တပ်ဆင်ခဲ့ပါသည်။

အဆိုပါ Firewall(၂)ခု ချိတ်ဆက်တပ်ဆင်နိုင်ရန်အတွက်  ၂၀၁၈ခုနှစ် (ဧပြီလမှ စက်တင် ဘာလအထိ)ဘဏ္ဍာနှစ်အတွင်း ဗဟိုစာရင်းအင်းအဖွဲ့၊ ငွေလုံးငွေရင်းအသုံးစရိတ်ဖြင့် အိတ်ဖွင့် တင်ဒါခေါ်ယူခဲ့ပါသည်။  အိတ်ဖွင့်တင်ဒါအောင်မြင်သည့်  ATG Systems Co.,Ltd မှ နေပြည်တော် Data Center ရှိ ဗဟိုစာရင်းအင်းအဖွဲ့၏ Website Server များနှင့် ရန်ကုန်မြို့ရှိ ဟံသာဝတီ  Data Center ရှိ ဝန်ကြီးဌာန Website Server တို့တွင် (၂၇-၈-၂၀၁၈) မှ (၃၁-၈-၂၀၁၈) နေ့ရက်အထိ ချိတ်ဆက်တပ်ဆင်ခြင်းလုပ်ငန်းများကို ဆောင်ရွက်ခဲ့ပြီး တပ်ဆင်ပြီးစီးမှု များအား ပစ္စည်းအရည်အသွေးဖွင့်ဖောက်စစ်ဆေးရေးအဖွဲ့ဝင်များမှ စစ်ဆေးခဲ့ပါသည်။

Firewall များ တပ်ဆင်ခြင်းဖြင့် Website Server များ၏ ဆိုက်ဘာလုံခြုံမှု ကောင်းမွန်စေခြင်းနှင့် ပြင်ပမှ ဝင်ရောက်လာသော Network ဆိုင်ရာ တိုက်ခိုက်မှုများကို ကာကွယ်ပေးနိုင်မည် ဖြစ်ပါသည်။ Firewall များတွင် ၃ နှစ် အာမခံ လိုင်စင် Version ပါရှိပြီး ၃နှစ်ပြည့်ပါက ထပ်မံ၍ လိုင်စင် သက်တမ်းတိုးရမည် ဖြစ်ပါသည်။

(သတင်းစဉ်)