မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှု စီမံကိန်း (Myanmar Sustainable Development Plan - MSDP) အကောင်အထည်ဖော်ရာ၌ စောင့်ကြည့် အကဲဖြတ်နိုင်စေရန်အတွက် အမျိုးသားညွှန်ကိန်းမူဘောင် (National Indicator Framework-NIF) တစ်ရပ် ဖွံ့ဖြိုးလာစေရေးအတွက် ဥပဒေစည်းမျဉ်း (Rule of law) လုပ်ငန်းအဖွဲ့ ဆွေးနွေးပွဲအား ၂၀၁၈ခုနှစ်၊ ဩဂုတ်လ(၂၁)ရက်နေ့တွင် စီမံကိန်းနှင့် ဘဏ္ဍာရေး ဝန်ကြီးဌာန၊ ရုံးအမှတ်(၃၂)၊ အစည်းအဝေးခန်းမ၌ ကျင်းပခဲ့ရာ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာဝါဝါမောင်မှ အဖွင့်အမှာစကား ပြောကြားခဲ့ပါသည်။ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာဝါဝါမောင်မှ အဖွင့်အမှာစကား ပြောကြားရာတွင် ယခုကျင်းပသည့် ဆွေးနွေးပွဲသည် မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှု စီမံကိန်း (MSDP) အကောင်အထည်ဖော်ရာ၌ စောင့်ကြည့် အကဲဖြတ်နိုင်စေရန် အမျိုးသားအဆင့်ညွှန်ကိန်းမူဘောင် ချမှတ်နိုင်ရေးဆွေးနွေးပွဲဖြစ်ပါ ကြောင်း၊ ယနေ့တွင် လုပ်ငန်းအဖွဲ့(၃)(Rule of law) နှင့် သက်ဆိုင်သည့် ဥပဒေ စည်းမျဉ်း စည်းကမ်းများ ကောင်းမွန်စေရေး မဟာဗျူဟာ(၁.၃) အား ဆွေးနွေးသွားမည်ဖြစ်ပြီး လုပ်ငန်း အဖွဲ့(၃) နှင့် သက်ဆိုင်သည့် ညွှန်ကိန်းများကို ဖော်ထုတ်သွားရမည် ဖြစ်ပါကြောင်း၊ MSDP ၏ လုပ်ငန်းအစီအစဉ်များအား စောင့်ကြည့်လေ့လာခြင်းနှင့် အကဲဖြတ်ခြင်းများ ဆောင်ရွက်ရန် အတွက် လိုအပ်လျက်ရှိသော ညွှန်ကိန်းများကို သက်ဆိုင်ရာ ဝန်ကြီးဌာန/ ဦးစီးဌာနများမှ ပူးပေါင်းဖော်ထုတ်သွားရန် လိုအပ်ပါကြောင်း၊ ညွှန်ကိန်းအချို့မှာ အဆင်သင့်ရှိပြီး ဖြစ်သော်လည်း ညွှန်ကိန်းအသစ်များကို ထပ်မံ၍ ရှာဖွေရဦးမည် ဖြစ်ပါကြောင်း၊ ညွှန်ကိန်း အသစ်များ ရရှိလာစေရန် မည်ကဲ့သို့ ပံ့ပိုးကူညီဆောင်ရွက်ရမည်ကို စဉ်းစားရမည်ဖြစ်ပါ ကြောင်း၊ MSDP ကို ပြုပြင်ပြောင်းလဲရန် မဟုတ်ဘဲ မူဘောင်အတွက် လိုအပ်နေသော ညွှန်ကိန်း များကို ဆွေးနွေးသွားရန် ဖြစ်ပါကြောင်း၊ ညွှန်ကိန်းများကို ဖော်ပြရာတွင် အများပြည်သူ နားလည် သဘောပေါက်လွယ်ကူစေရန် လိုအပ်ပါကြောင်း ပြောကြားခဲ့ပါသည်။ ထို့နောက် လုပ်ငန်းအဖွဲ့(၃) ဆွေးနွေးပွဲသို့ တက်ရောက်လာကြသော သက်ဆိုင်ရာ ဌာနများမှ အဖွဲ့ဝင်များသည် အုပ်စုများခွဲ၍ မဟာဗျူဟာအလိုက် တိုင်းတာနိုင်မည့် ညွှန်ကိန်းများ အပေါ် ဝိုင်းဝန်းအကြံပြု ဆွေးနွေးခဲ့ကြပါသည်။ ဆွေးနွေးမှုရလဒ်များအား အဖွဲ့ဝင်တစ်ဦး ချင်းစီမှ အကျဉ်းချုပ်၍ ရှင်းလင်းတင်ပြခဲ့ပါသည်။ အဆိုပါ လုပ်ငန်းအဖွဲ့ ဆွေးနွေးပွဲသို့ သက်ဆိုင်ရာဌာနများမှ အဖွဲ့ဝင်(၃၅)ဦး၊ ဗဟိုစာရင်းအင်းအဖွဲ့မှ (၂၃) ဦး၊ စုစုပေါင်း (၅၈) ဦး တက်ရောက်ခဲ့ပါသည်။  နေပြည်တော်၊ ဩဂုတ်လ (၂၁) ရက်