နေပြည်တော်

၂၀၁၈ ခုနှစ်၊ ဇွန်လ (၄) ရက်

၂၀၁၈ ခုနှစ်၊ ဇွန်လ (၄) ရက်နေ့၊ နံနက် (၁၁:၀၀) နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့၊ ရုံးအမှတ် (၃၂) ရှိအစည်းအဝေးခန်းမ၌ UNDP နှင့် KoeKoe Tech IT Company တို့မှ  Data Platformနှင့် စပ်လျဉ်း၍ PowerPointဖြင့် လာရောက်ရှင်းလင်းပြသရာဗဟိုစာရင်းအင်းအဖွဲ့ ညွှန်ကြားရေးမှူးချုပ်ဒေါက်တာဝါဝါမောင်၊ ဒုတိယညွှန်ကြားရေးမှူးချုပ်၊ ညွှန်ကြားရေးမှူးနှင့် စနစ်နှင့်အသုံးချဌာနစိတ်မှ အရာထမ်း၊ အမှုထမ်းများ၊ UNDP မှ Ms. Hyeon Kim နှင့်အဖွဲ့၊ UNICEF ၊ GIZ တို့မှ တာဝန်ရှိသူများ၊ KoeKoe Tech IT Company မှ တာဝန်ရှိသူများတက်ရောက်ခဲ့ကြပါသည်။

အဆိုပါဆွေးနွေးပွဲတွင် ဗဟိုစာရင်းအင်းအဖွဲ့၏ MMSIS Website နှင့် CSO Website တို့ကိုအဆင့်မြှင့်တင်နိုင်ရေးအတွက် နည်းပညာအသစ်များအသုံးပြုဆောင်ရွက်နိုင်ရန် CSO နှင့် UNDP တို့ ပူးပေါင်း၍ KoeKoe Tech IT Company မှ နည်းပညာဆိုင်ရာအကူအညီပေးရေး၊ နည်းပညာအသစ်များအသုံးပြု၍ စာရင်းအင်းဆိုင်ရာအချက်အလက်များကိုပိုမိုလွယ်ကူလျင်မြန်စွာဖြန့်ဝေနိုင်ရေးတို့နှင့် စပ်လျဉ်း၍ အဓိကထားညှိနှိုင်းဆွေးနွေးခဲ့ကြပါသည်။