မြန်မာနိုင်ငံ၏ ဖွားသေစာရင်းအင်းများ မှတ်ပုံတင်ခြင်းစနစ် ပိုမိုအားကောင်းလာစေရန် နှင့်ဆေးရုံဆေးခန်းပြင်ပတွင် သေဆုံးသူများ၏ သေဆုံးရသောအကြောင်းအရင်းများကို Verbal Autopsy (VA) နည်းဖြင့် အသုံးပြု၍ ကောက်ယူသည့် လုပ်ငန်းများအား ပြန်လည် သုံးသပ်ရန်၊  ဗဟိုစာရင်းအင်းအဖွဲ့နှင့် ပြည်သူ့ကျန်းမာရေးဦးစီးဌာန၊ ကျန်းမာရေးသတင်း အချက်အလက်နှင့် စီမံခန့်ခွဲရေးဦးစီးဌာနတို႔မှ ဝန်ထမ်းများ၏(VA) နှင့်ဆက်စပ်သော  အသိပညာနှင့် စွမ်းရည်များ မြင့်တက်လာစေရန်၊ လိုအပ်သော နည်းပညာနှင့် ကြီးကြပ်ပံ့ပိုးမှုများ စဉ်ဆက်မပြတ် ဆောင်ရွက် သွားနိုင်ရန်၊ ရရှိလာသည့် အချက်အလက်များ အရည်အသွေးရှိရန်အတွက် Data Quality Control ဆောင်ရွက်သွားမည့်နည်းလမ်းများ ဆွေးနွေးသွားရန်၊ ဖွားသေစာရင်းအင်း အသုံးပြုပုံ၊ ထိုစာရင်းများမှတစ်ဆင့် တွက်ချက်ရရှိနိုင်သော ညွှန်ကိန်းများအား လက်တွေ့တွက်ချက်နိုင်ရန် နှင့် အချက်အလက်များ ဖြန့်ဝေသော နည်းလမ်းများကို ဆွေးနွေးသွားရန် ရည်ရွယ်၍ Verbal Autopsy Monitoring Workshop ကို ပြင်ဦးလွင်မြို့၊ရွှေနန်းထိုက်ဟိုတယ်တွင်(၂၈-၅-၂၀၁၈) မှ (၁-၆-၂၀၁၈) ရက်နေ့ထိ ကျင်းပပြုလုပ်ခဲ့ပါသည်။

အဆိုပါအခမ်းအနားသို႔ ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင် နှင့် ဗဟိုစာရင်းအင်းအဖွဲ့ တိုင်းဒေသကြီး/ပြည်နယ်မှဝန်ထမ်းများ၊ ပြည်သူ့ကျန်းမာရေးဦးစီး ဌာန၊ ကျန်းမာရေးသတင်း အချက်အလက်နှင့် စီမံခန့်ခွဲရေးဦးစီးဌာနတို႔မှ ဝန်ထမ်းများ စုစုပေါင်း (၇၀) ဦး တက်ရောက်ခဲ့ကြပါသည်။

အစည်းအဝေးတွင်  ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ မွေးဖွားမှုနှင့် သေဆုံးမှုဆိုင်ရာ လုပ်ငန်းဆောင်ရွက်ခြင်းသည် တစ်နိုင်ငံလုံးနှင့် သက်ဆိုင်သော လုပ်ငန်း ဖြစ်ပါကြောင်း၊ Bloomberg အဖွဲ့အစည်း၏ အကူအညီသည် အတိုင်းအတာတစ်ခု အထိသာ ရရှိမှာဖြစ်ပြီး ရေရှည်တွင် မိမိတို႔ဘာသာ ဆက်လက် ဆောင်ရွက်ရမည် ဖြစ်ပါကြောင်း၊ မိမိတို့နိုင်ငံသည် CRVS (Civil Registration and Vital Statistics) စနစ် မရှိသေးသော ကြောင့် ထိုစနစ်ထဲ ဝင်ရောက်ရန် ဆောင်ရွက်လျက် ရှိပါကြောင်း၊ မွေးဖွားမှု ဖြစ်ပွားလျှင်သော် လည်းကောင်း၊ သေဆုံးမှု ဖြစ်ပွားလျှင်သော်လည်းကောင်း၊ ပြည်သူလူထုမှ မှတ်ပုံတင်ကြရန် အတွက် အသိပညာပေးရမည် ဖြစ်ပါကြောင်း၊ ရရှိလာသောစာရင်းများသည် မှန်ကန်မှု ရှိရန်နှင့် အရည်အသွေးရှိရန် လိုအပ်ပါကြောင်း၊ မည်သည့်ရောဂါဖြင့် သေဆုံးကြောင်းကို သိရှိနိုင်ရန် အတွက် သေဆုံးရသည့်ရောဂါ (Cause of Death) ကို သိရှိရမည်ဖြစ်ပြီး၊ လေ့လာ သုံးသပ် ခြင်းဖြင့် နိုင်ငံတော်၏ လူမှုစီးပွား ဖွံ့ဖြိုးရေးအတွက် လိုအပ်သော မူဝါဒများစွာ ပေါ်ထွက်လာ နိုင်ပါကြောင်း၊ ရောဂါဖြစ်ပွားသည့်နေရာဒေသကို သိခြင်းဖြင့် ပညာပေးမှုများနှင့် ကုသမှုများကို ဆောင်ရွက်နိုင်မည် ဖြစ်ပါကြောင်း၊ Saving Lives by Counting Deaths ဆိုသကဲ့သို႔ လူတို႔၏ အသက်များကို Saving ဖြစ်စေနိုင်ပါကြောင်း၊ လက်ရှိတွင် Verbal Autopsy  နည်းလမ်းဖြင့် မြို့နယ် (၄၂) မြို့နယ်ကို ကိုယ်စားပြုအနေဖြင့် ရွေးချယ်ပြီး ဆောင်ရွက်လျက်ရှိပါကြောင်း၊ ထိုမြို့နယ်များအနေဖြင့်လည်း စံပြအနေဖြစ်နေသင့်ပါကြောင်း၊ အထောက်အပံ့များရရှိနေချိန်တွင် နည်းပညာများအား ရယူ၍ ပြန်လည်ဝေမျှရန် အရေးကြီးပါကြောင်း၊ စာရင်းကောက်ခြင်းနှင့် ပတ်သက်၍ အခြေခံဖြည့်သွင်းရမည့် အချက်အလက်များအား ပြည့်ပြည့်စုံစုံ ဖြည့်သွင်းရန်နှင့် မည်မျှ အရေးကြီးကြောင်းကို ပြည်သူလူထုများ သိရှိနိုင်ရန် ဆောင်ရွက်ရန် လိုအပ်ပါကြောင်း ဆွေးနွေးပြောကြားခဲ့ပါသည်။

ထို့နောက် Bloomberg D4H မှ Country Coordinator ဒေါ်ခင်စန္ဒာဘိုမှ လမ်းညွှန်မှု များ ပြောကြာပေးပါသော ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင် နှင့် ပူးပေါင်းပါဝင်ဆောင်ရွက်ပေးနေသူများအားကျေးဇူးတင်ရှိပါကြောင်း၊ လုပ်ငန်းစတင်ဆောင်ရွက် သည့် ၂ နှစ်ကျော်ကာလအတွင်း တိုးတက်မှုများအား ကျေနပ်အားရမိပါကြောင်း၊ VA လက်ရှိ ဆောင်ရွက်နေသည့် နိုင်ငံပေါင်း ၂၀ ကျော်တွင် မြန်မာနိုင်ငံသည် နောက်ကျ မကျန်ခဲ့ပါကြောင်း၊ စီမံချက် ဒုတိယနှစ်၏ ၃လအတွင်း (၄၈၀၀)ဦး နီးပါးခန့်ကို အသိပညာများ ပြန်လည်မျှဝေ နိုင်ပါကြောင်း၊ Saving Lives by Counting Deaths ဆိုသကဲ့သို့ Counting Deaths ပြုလုပ် ပြီးဖြစ်၍ Saving Lives ဖြစ်အောင် ကြိုးစားရမည်ဖြစ်ပါကြောင်း၊ စာရင်းအင်းအချက်အလက် များ၏ အရည်အသွေးကောင်းမွန်တိုးတက်စေရေးနှင့် အချက်အလက်များအား မျှဝေသုံးစွဲစေရေး တို့ကို ဆွေးနွေးပြောကြားခဲ့ပါသည်။

နိဂုံးချုပ်အနေဖြင့်မြန်မာနိုင်ငံ၏ဖွားသေစာရင်းအင်းများမှတ်ပုံတင်ခြင်းစနစ်အား ရေရှည် ခိုင်မြဲနေစေရန် ပြည်သူများမှ အတူတကွ ပူးပေါင်းပါဝင်ကြပါရန် တိုက်တွန်းကြောင်း ပြောကြား ခဲ့ပါသည်။ အစည်းအဝေးဖွင့်ပွဲကို နံနက်(၁၀း၃၀)တွင် ပြီးမြောက်ခဲ့ပါသည်။( သတင်းစဉ်)

ပြင်ဦးလွင်မြို့ မေလ ၂၈ ရက် ၂၀၁၈ ခုနှစ်