_0.png)
မြန်မာနိုင်ငံ ကလေးအလုပ်သမားပပျောက်ရေးဆိုင်ရာ စာရင်းကောက်ယူရေးလုပ်ငန်း ကော်မတီ၏ ဒုတိယအကြိမ် လုပ်ငန်းညှိနှိုင်းအစည်းအဝေးကို (၅-၉-၂၀၁၉) ရက်နေ့တွင် ဗဟို စာရင်းအင်းအဖွဲ့၊ ရုံးအမှတ် (၃၂) အစည်းအဝေးခန်းမ၌ ကျင်းပခဲ့ပါသည်။ အဆိုပါ လုပ်ငန်းညှိနှိုင်း အစည်းအဝေးတွင် ကလေးအလုပ်သမားပပျောက်ရေးဆိုင်ရာ စာရင်းကောက်ယူရေးလုပ်ငန်း ကော်မတီဥက္ကဋ္ဌ၊ စီမံကိန်းနှင့်ဘဏ္ဍာရေးဝန်ကြီးဌာန၊ အမြဲတမ်းအတွင်းဝန်မှ တက်ရောက်၍ အဖွင့်အမှာစကား ပြောကြားခဲ့ပါသည်။
ထို့နောက် ကလေးအလုပ်သမားပပျောက်ရေးဆိုင်ရာ စာရင်းကောက်ယူရေးလုပ်ငန်း ကော်မတီဥက္ကဋ္ဌမှ ပထမအကြိမ်အစည်းအဝေးမှ ဆောင်ရွက်ရန် ဆုံးဖြတ်ချက်များကို သုံးသပ် ခြင်းနှင့် စစ်တမ်းအရွယ်အစား၊ မေးခွန်းလွှာနှင့်ထုတ်ပြန်မည့် အချက်အလက်များကို အတည်ပြု ဆွေးနွေးပြီး အတွင်းရေးမှူး၊ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဦးဆန်းမြင့်မှ တိုင်း ဒေသကြီးနှင့် ပြည်နယ်များအလိုက် လုပ်ငန်းကော်မတီများဖွဲ့စည်းထားရှိမှု၊ လုပ်ငန်းစီမံချက်၊ လုပ်ငန်းတာဝန်များ၊ ပြင်ဆင်ပြီးမေးခွန်းလွှာ၊ စစ်တမ်းအချိန်ဇယားနှင့် ရှေ့ဆက်ဆောင်ရွက်မည့် လုပ်ငန်းများကို တင်ပြဆွေးနွေးခဲ့ပါသည်။ အစည်းအဝေးသို့ စာရင်းကောက်ယူရေးလုပ်ငန်း ကော်မတီဝင်များ၊ တိုင်းဒေသကြီးနှင့် ပြည်နယ်ကိုယ်စားလှယ်များနှင့် ဗဟိုစာရင်းအင်းအဖွဲ့မှ အရာထမ်း/ အမှုထမ်းများ စုစုပေါင်း (၅၅) ဦးတက်ရောက်ခဲ့ကြပါသည်။ (သတင်းစဉ်)
၂၀၁၉ ခုနှစ် စက်တင်ဘာလ (၅) ရက်