စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့နှင့် ကုလသမဂ္ဂဖွံ့ဖြိုးမှုအစီအစဉ် (UNDP) တို့ ပူးပေါင်း၍ “MSDP-NIF တွင် ပါရှိသည့်ညွှန်ကိန်းများ၏ Metadata ဖော်ထုတ်ခြင်း သင်တန်း’’ ဖွင့်ပွဲအခမ်းအနားကို ၂၀၁၉ ခုနှစ်၊ ဩဂုတ်လ (၅) ရက်နေ့တွင် စီမံကိန်းနှင့်ဘဏ္ဍာရေး ဝန်ကြီးဌာန၊ ရုံးအမှတ် (၃၂)၊ သင်တန်းခန်းမ၌ ကျင်းပပြုလုပ်ခဲ့ရာ ဗဟိုစာရင်းအင်းအဖွဲ့မှ ညွှန်ကြားရေးမှူးချုပ်နှင့် ကုလသမဂ္ဂဖွံ့ဖြိုးမှုအစီအစဉ် (UNDP) မှ Senior Statistician ဖြစ်သူ Mr. Matthew Powell တို့မှ အဖွင့်အမှာစကား ပြောကြားခဲ့ပါသည်။

အဆိုပါသင်တန်းတွင် မြန်မာနိုင်ငံ၏ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုး တက်မှုစီမံကိန်း (Myanmar Sustainable Development Plan-MSDP) ကို စောင့်ကြည့် အကဲဖြတ်နိုင်စေရန်အတွက် ဖော်ထုတ်ထားသည့် အမျိုးသားညွှန်ကိန်းမူဘောင် (National Indicator Framework-NIF) တွင် ပါရှိသည့်ညွှန်ကိန်းများ၏ Metadata များကို International Classification of Statistics Activities (CSA) နှင့်အညီ ဖော်ထုတ်နိုင်စေရန်အတွက် သင်ကြားပို့ချမည်ဖြစ်ပါသည်။ သင်တန်းကာလမှာ (၅-၈-၂၀၁၉) ရက်နေ့မှ (၉-၈-၂၀၁၉) ရက်နေ့အထိ ဖြစ်ပြီး  ဗဟိုစာရင်းအင်းအဖွဲ့(ရုံးချုပ်) ရှိ သက်ဆိုင်ရာဌာနစိတ်များမှ သင်တန်းသား/သူများ တက်ရောက်မည်ဖြစ်ပါသည်။

၂၀၁၉ ခုနှစ်၊ ဩဂုတ်လ (၅) ရက်