မြန်မာနိုင်ငံ၏ စဉ်ဆက်မပြတ်ဖွံ့ဖြိုးမှု ပန်းတိုင်ဆိုင်ရာ စောင့်ကြည့်လေ့လာခြင်းနှင့် အကဲဖြတ် စိစစ်ခြင်း အသိပညာမြှင့်တင်မှု အလုပ်ရုံဆွေးနွေးပွဲကို ၂၀၁၉ ခုနှစ်၊ ဇွန်လ (၈) ရက်နေ့ နံနက် (၁၀:၀၀) နာရီတွင် ရန်ကုန်မြို့ရှိ Summit Parkview Hotel ၌ ကျင်းပရာ ရန်ကုန်တိုင်း ဒေသကြီးအစိုးရအဖွဲ့၊ စီမံကိန်းနှင့်ဘဏ္ဍာရေးဝန်ကြီး ဦးမြင့်သောင်း တက်ရောက် အဖွင့်အမှာ စကား ပြောကြားခဲ့သည်။

ထို့နောက် ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဦးဆန်းမြင့်မှ မြန်မာနိုင်ငံ၏စဉ်ဆက် မပြတ် ဖွံ့ဖြိုးတိုးတက်မှု ပန်းတိုင်ဆိုင်ရာ စောင့်ကြည့်လေ့လာခြင်း၊ အကဲဖြတ်စိစစ်ခြင်းနှင့် စပ်လျဉ်း၍ မြန်မာနိုင်ငံ၏ လတ်တလောအခြေအနေများကို ရှင်းလင်းတင်ပြခဲ့သည်။

အလုပ်ရုံဆွေးနွေးပွဲသို့ တိုင်းဒေသကြီးအစိုးရအဖွဲ့ အတွင်းရေးမှူး၊ မြန်မာနိုင်ငံစာရင်းအင်း ပညာအသင်းဥက္ကဋ္ဌ၊ ရန်ကုန်စီးပွားရေးတက္ကသိုလ် စာရင်းအင်းပညာပါမောက္ခ အပါအဝင် တိုင်း ဒေသကြီးအဆင့် ဌာနဆိုင်ရာအကြီးအကဲများနှင့် ရန်ကုန်တိုင်းဒေသကြီး ဗဟိုစာရင်းအင်းအဖွဲ့မှ တာဝန်ရှိသူများ တက်ရောက်ခဲ့ကြသည်။