စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့သည် GIZ အဖွဲ့၏ နည်းပညာ အကူ အညီ ပူးပေါင်းဆောင်ရွက်မှုဖြင့် “Capacity Building for the implementation of the Sustainable Development Goals  (SDGs)” အကောင်အထည်ဖော်ဆောင်နိုင်ရေးအတွက် ဂျာမနီ စာရင်းအင်းရုံးမှ ကျွမ်းကျင်ပညာရှင်များနှင့် Planning Workshop ကို ၂၀၁၉ ခုနှစ်၊ မေလ (၂၉) ရက်နေ့တွင် နေပြည်တော်၊ Hilton Hotel၊ ဂန္ဓမာအစည်းအဝေးခန်းမ၌ ကျင်းပပြုလုပ်ခဲ့ပါသည်။

အဆိုပါ Workshop သို့ ဗဟိုစာရင်းအင်းအဖွဲ့မှ ညွှန်ကြားရေးမှူးချုပ် ဦးဆန်းမြင့်၊ ဒုတိယ ညွှန်ကြားရေးမှူးချုပ် ဦးသန်းဇော်နှင့် သက်ဆိုင်ရာဌာနစိတ်များမှ တာဝန်ရှိသူများ တက်ရောက်ခဲ့ ကြပြီး GIZ အဖွဲ့နှင့် ဂျာမနီစာရင်းအင်းရုံးမှ ကျွမ်းကျင်ပညာရှင်များမှ  ၂၀၁၉ ခုနှစ် တစ်နှစ်တာ အတွက် ရှေ့ဆက်လက်ဆောင်ရွက်ရန် လုပ်ငန်းစီမံချက် (မူကြမ်း) ကို ဆွေးနွေးညှိနှိုင်းမှုများ ပြုလုပ် ၍ ညွှန်ကြားရေးမှူးချုပ်မှ လိုအပ်သည်များကို လမ်းညွှန်မှာကြားခဲ့ပါသည်။

 အဆိုပါ GIZ အဖွဲ့သည် ဗဟိုစာရင်းအင်းအဖွဲ့နှင့် ပူးပေါင်း၍ မြန်မာနိုင်ငံ၏ SDGs  အကောင် အထည် ဖော်ဆောင်နိုင်ရေးအတွက် စွမ်းဆောင်ရည်မြှင့်တင်ရန် လုပ်ငန်းစီမံချက်အတိုင်း ဆက်လက် ဆောင်ရွက်သွားမည်ဖြစ်ပါသည်။

၂၀၁၉ ခုနှစ်၊ မေလ (၂၈) ရက်နေ့ ၊ Hilton Hotel