စီမံကိန်းနှင့် ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့သည် GIZ အဖွဲ့၏ နည်းပညာအကူ အညီပူးပေါင်းဆောင်ရွက်မှုဖြင့် “Capacity Building for the implementation of the Sustainable Development Goals  (SDGs)” အကောင်အထည်ဖော်ဆောင်နိုင်ရေးအတွက် ဂျာမနီ စာရင်းအင်းရုံးမှ ကျွမ်းကျင်ပညာရှင်များနှင့် တွေ့ဆုံဆွေးနွေးပွဲကို ၂၀၁၉ ခုနှစ်၊ မေလ (၂၃) ရက်နေ့ တွင် စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့၊ ရုံးအမှတ်(၃၂) အစည်းအဝေးခန်းမ၌ ကျင်းပပြုလုပ်ခဲ့ပါသည်။

အဆိုပါဆွေးနွေးပွဲသို့ ဗဟိုစာရင်းအင်းအဖွဲ့မှ ညွှန်ကြားရေးမှူးချုပ် ဦးဆန်းမြင့်၊ ဒုတိယ ညွှန်ကြားရေးမှူးချုပ် ဦးသန်းဇော်နှင့် သက်ဆိုင်ရာဌာနစိတ်များမှ တာဝန်ရှိသူများ တက်ရောက်ခဲ့ပြီး GIZ အဖွဲ့မှ  SDGs လုပ်ငန်းဆောင်ရွက်နေမှုစပ်လျဉ်း၍ ဆောင်ရွက်မှုအခြေအနေများ၊ ကြုံတွေ့ရ သည့်အခက်အခဲ စိန်ခေါ်မှုများအား ဆွေးနွေးခဲ့ကြပါသည်။

အဆိုပါ GIZ အဖွဲ့သည် ၂၀၁၉ ခုနှစ်၊ မေလ (၂၄) ရက်နေ့တွင် ကုန်သွယ်ရေးဦးစီးဌာန၊ စားသုံး သူရေးရာဦးစီးဌာန၊ ၂၀၁၉ ခုနှစ်၊ မေလ (၂၇) ရက်နေ့တွင် စီမံကိန်းရေးဆွဲရေးဦးစီးဌာနတို့အား SDGs လုပ်ငန်းစဉ်များနှင့် စပ်လျဉ်း၍ မြန်မာနိုင်ငံ၏ SDGs  အကောင်အထည်ဖော် ဆောင်နိုင်ရေးအတွက် စွမ်းဆောင်ရည်မြှင့်တင်ရန် သွားရောက်ဆွေးနွေးမည်ဖြစ်ပါသည်။