_0.png)
, 
, 
စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၊ အရာထမ်းများ လုပ်ငန်း စွမ်းဆောင်ရည် မြှင့်တင်ရေးသင်တန်း
အမှတ်စဉ် (၁/၂၀၁၈-၂၀၁၉) သင်တန်းဆင်းပွဲ အခမ်းအနားကို ဒီဇင်ဘာလ ၂၈ ရက်၊ မွန်းလွဲ (၃) နာရီတွင် နေပြည်တော်၊ စီမံကိန်းနှင့်
ဘဏ္ဍာရေးဝန်ကြီးဌာန၊ ရုံးအမှတ် (၃၂) အစည်းအဝေးခန်းမ၌ ကျင်းပခဲ့ပါသည်။
အဆိုပါ သင်တန်းဆင်းပွဲတွင် စီမံကိန်းရေးဆွဲရေးဦးစီးဌာန၊ ဒုတိယညွှန်ကြားရေးမှူးချုပ်က ယခုသင်တန်းသို့ တက်ရောက်ခဲ့ကြသည့်
အရာထမ်းများအနေဖြင့် သင်တန်းမှရရှိသည့် စာတွေ့၊ လက်တွေ့ သင်ခန်းစာများအား အကျိုးရှိစွာ အသုံးချပြီးမိမိတို့၏ စွမ်းဆောင်ရည်
တိုးတက်အောင် ဆောင်ရွက်ကြစေလိုကြောင်း အမှာစကား ပြောကြားခဲ့ပါသည်။
ထိုနောက် သင်တန်းသား ထူးချွန်ဆုနှင့် သင်တန်းဆင်းလက်မှတ်များ ပေးအပ်ချီးမြှင့်ခဲ့ပြီး အခမ်းအနားကိုညနေ (၄) နာရီတွင် ရုပ်သိမ်းခဲ့ပါသည်။