စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၏ အရာထမ်းများ လုပ်ငန်းစွမ်းဆောင်ရည်မြှင့်တင်ရေးမွမ်းမံသင်တန်း (၃/၂၀၂၃) နှင့် SUT အခြေခံဆိုင်ရာသင်တန်းဆန်သော ဆွေးနွေးပွဲ (၃/၂၀၂၃) သင်တန်းဖွင့်ပွဲအခမ်းအနားကို ၂၀၂၃ ခုနှစ်၊ ဒီဇင်ဘာလ (၁၈) ရက်နေ့၊ မွန်းလွဲ (၁၃:၀၀) နာရီအချိန်တွင် စီမံကိန်းရေးဆွဲရေးဦးစီးဌာန၏ သင်တန်းကျောင်း၌ ကျင်းပပြုလုပ်ခဲ့ပါသည်။

သင်တန်းဖွင့်ပွဲအခမ်းအနားတွင် ဒုတိယညွှန်ကြားရေးမှူးချုပ်က အဖွင့်အမှာစကား ပြောကြားရာ၌ ယခုသင်တန်းဖွင့်လှစ်ရခြင်း၏ ရည်ရွယ်ချက်မှာ ခရိုင်နှင့် မြို့နယ်တာဝန်ခံများ အဖြစ်ဆောင်ရွက်ရမည့်သူများ ဖြစ်သည့်အတွက် ရာထူးအဆင့်အလိုက် ကျွမ်းကျင်မှုအရည်အသွေး မြှင့်တင်နိုင်ရန်၊ SNA 2008 ကူးပြောင်းမှုနှင့်ပတ်သက်၍ SUT အား အရာရှိတိုင်း ကျွမ်းကျင်ပိုင်နိုင်စွာ တတ်မြောက်စေရန်၊ ဆက်စပ်ဆောင်ရွက်နေရသောဌာနများနှင့် ပေါင်းစပ်ညှိနှိုင်းရာ၌ နည်းပညာပိုင်းဆိုင်ရာနှင့် ဆက်သွယ်မှုဆိုင်ရာ ကိစ္စရပ်များတွင် ကျွမ်းကျင်မှုရှိစေရန်၊  စီမံကိန်းရေးဆွဲနေသူများ၏ တာဝန်နှင့်ဝတ္တရားများကို ကျွမ်းကျင်ပိုင်နိုင်စွာဖြင့် ဆောင်ရွက်နိုင်ရန် ရည်ရွယ်၍ ဖွင့်လှစ်ရခြင်းဖြစ်ကြောင်း ပြောကြားပါသည်။

အဆိုပါသင်တန်းဖွင့်ပွဲအခမ်းအနားတွင် ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် သင်တန်းသား၊ သင်တန်းသူ စုစုပေါင်း (၆၉) ဦး တက်ရောက်ပါသည်။