စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၏ ခရိုင်နှင့်မြို့နယ်တာဝန်ခံများ လုပ်ငန်းစွမ်းဆောင်ရည်မြှင့်တင်ရေးမွမ်းမံသင်တန်း (၃/၂၀၂၃) နှင့် ငွေစာရင်းဆိုင်ရာမွမ်းမံသင်တန်း (၄/၂၀၂၃) သင်တန်းဆင်းပွဲ အခမ်းအနားကို ၂၀၂၃ ခုနှစ်၊ ဒီဇင်ဘာလ (၁) ရက်နေ့၊ နေ့လည် (၁၅:၀၀) နာရီအချိန်တွင် စီမံကိန်းရေးဆွဲရေးဦးစီးဌာန၏ သင်တန်းကျောင်း၌ ကျင်းပပြုလုပ်ခဲ့ပါသည်။

သင်တန်းဆင်းပွဲအခမ်းအနားသို့  ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် သင်တန်းသား/သူများ တက်ရောက်ကြပါသည်။ အခမ်းအနားတွင် ညွှန်ကြားရေးမှူးချုပ်က  သင်တန်းသားများအနေဖြင့် ယခုသင်တန်းမှ ပို့ချချက်များနှင့် လုပ်ငန်းစွမ်းဆောင်မှု၊ အတွေ့အကြုံများအပေါ်အခြေခံ၍ မိမိတို့ကိုယ်တိုင်ဆက်လက်လေ့လာနေရန်၊ တာဝန်ပြန်လည်ထမ်းဆောင်ရာတွင် လေ့လာသင်ယူမှုများကို ပြန်လည်သုံးသပ်ဆောင်ရွက်ရန်၊ ဝန်ထမ်းများဖြစ်သည့်အတွက် ဝန်ထမ်းစည်းမျဉ်းစည်းကမ်း များနှင့်အညီ နေထိုင်ပြုမူရန် လမ်းညွှန်မှာကြားခဲ့ပါသည်။

ထို့နောက် ညွှန်ကြားရေးမှူးချုပ်က သင်တန်းသားများမှထပ်မံ ဆန္ဒပြုထားသည့် သင်တန်းများ၊ ဘာသာရပ်များနှင့် သင်တန်းကျောင်းလိုအပ်ချက်များအား ဖြည့်ဆည်းပေးနိုင်သည်များကို ဖြည့်ဆည်းပေးမည်ဖြစ်ကြောင်း ပြောကြားပြီး သင်တန်းတွင် ပထမဆု၊ ဒုတိယဆုနှင့် တတိယဆု ရရှိသူ သင်တန်းသား/သူများကို ဆုများအသီးသီး ချီးမြှင့်ခဲ့ပြီး သင်တန်းဆင်းပွဲအခမ်းအနားကို နေ့လည် (၁၆:၃၀) နာရီတွင် ရုပ်သိမ်းခဲ့ပါသည်။