စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၏ ခရိုင်နှင့်မြို့နယ်တာဝန်ခံများ လုပ်ငန်းစွမ်းဆောင်ရည်မြှင့်တင်ရေးမွမ်းမံသင်တန်း (၃/၂၀၂၃) နှင့် ငွေစာရင်းဆိုင်ရာမွမ်းမံသင်တန်း (၄/၂၀၂၃) သင်တန်းဖွင့်ပွဲအခမ်းအနားကို ၂၀၂၃ ခုနှစ်၊ နိုဝင်ဘာလ (၁၃) ရက်နေ့၊ နံနက် (၁၁:၀၀) နာရီအချိန်တွင် စီမံကိန်းရေးဆွဲရေးဦးစီးဌာန၏ သင်တန်းကျောင်း၌ ကျင်းပပြုလုပ်ခဲ့ပါသည်။

သင်တန်းဖွင့်ပွဲအခမ်းအနားတွင် ညွှန်ကြားရေးမှူးချုပ်က အဖွင့်အမှာစကား ပြောကြားရာ၌ သင်တန်းဖွင့်လှစ်ရခြင်း၏ရည်ရွယ်ချက်မှာ ခရိုင်နှင့်မြို့နယ်တာဝန်ခံများဖြစ်သည့်အတွက် ရာထူးအဆင့်အလိုက် ကျွမ်းကျင်မှုအရည်အသွေးမြှင့်တင်နိုင်ရန်၊  ဆက်စပ်ဆောင်ရွက်နေရသောဌာနများနှင့် ပေါင်းစပ်ညှိနှိုင်းရာ၌ နည်းပညာပိုင်းဆိုင်ရာနှင့်ဆက်သွယ်မှုဆိုင်ရာကိစ္စရပ်များတွင် ကျွမ်းကျင်မှုရှိစေရန်၊  စီမံကိန်းရေးဆွဲနေသူများ၏ တာဝန်/ဝတ္တရားများကို ကျွမ်းကျင်ပိုင်နိုင်စွာဖြင့် ဆောင်ရွက်နိုင်ရန်ရည်ရွယ်၍ ဖွင့်လှစ်ရခြင်းဖြစ်ကြောင်း ပြောကြားခဲ့ပါသည်။

အဆိုပါသင်တန်းဖွင့်ပွဲအခမ်းအနားတွင် ညွှန်ကြားရေးမှူးချုပ်၊  ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် သင်တန်းသား၊ သင်တန်းသူ စုစုပေါင်း (၅၆) ဦး တက်ရောက်ကြပါသည်။