စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၏ ခရိုင်နှင့်မြို့နယ်တာဝန်ခံ များ လုပ်ငန်းစွမ်းဆောင်ရည်မြှင့်တင်ရေးမွမ်းမံသင်တန်း (၂/၂၀၂၃) နှင့် ငွေစာရင်းဆိုင်ရာ မွမ်းမံသင်တန်း (၃/၂၀၂၃) သင်တန်းဆင်းပွဲ အခမ်းအနားကို ၂၀၂၃ ခုနှစ်၊ အောက်တိုဘာလ (၂၇) ရက်နေ့၊ နေ့လည် (၁၅:၃၀) နာရီအချိန်တွင် စီမံကိန်းရေးဆွဲရေးဦးစီးဌာန၏ သင်တန်းကျောင်း၌ ကျင်းပပြုလုပ်ခဲ့ပါသည်။

  အဆိုပါအခမ်းအနားသို့  ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် သင်တန်းသား၊ သင်တန်းသူများ တက်ရောက်ကြပါသည်။

  သင်တန်းဆင်းပွဲအခမ်းအနားတွင် ဒုတိယညွှန်ကြားရေးမှူးချုပ်က သင်တန်းသားများ အနေဖြင့် ယခုသင်တန်းမှ ပို့ချချက်များနှင့် လုပ်ငန်းစွမ်းဆောင်မှု၊ အတွေ့အကြုံများအပေါ် အခြေခံ၍ မိမိကိုယ်တိုင်လေ့လာမှုကို ဆက်တိုက်ဆောင်ရွက်နေပါက ပိုမိုတိုးတက်မည် ဖြစ် ကြောင်း၊ မိမိတို့တာဝန်ယူရသည့် အပိုင်းကဏ္ဍများတွင် စနစ်တကျနှင့် သေချာစိစစ်လုပ် ဆောင်ကြရန်လိုအပ်ကြောင်း၊ သင်တန်းကျောင်းအနေဖြင့်လည်း လိုအပ်သည်များကို ဖြည့် ဆည်းပေးနိုင်ရန် ဆောင်ရွက်နေပါကြောင်း ပြောကြား ခဲ့ပါသည်။

  ထို့နောက် ဒုတိယညွှန်ကြားရေးမှူးချုပ်က သင်တန်းသားများမှထပ်မံ ဆန္ဒပြုထား သည့်သင်တန်းများ၊ ဘာသာရပ်များနှင့်သင်တန်းကျောင်း လိုအပ်ချက်များအား ဖြည့်ဆည်း ပေးနိုင်သည်များကို ဖြည့်ဆည်းပေးမည်ဖြစ်ကြောင်း ပြောကြားပြီး သင်တန်းတွင် ပထမ၊ ဒုတိယဆုနှင့် တတိယဆု ရရှိသူ သင်တန်းသား/ သူများကို ဆုများအသီးသီး ချီးမြှင့်ခဲ့ပါသည်။

  အဆိုပါသင်တန်းကို ၉.၁၀.၂၀၂၃ ရက်နေ့ မှ ၂၇-၁၀-၂၀၂၃ ရက်နေ့အထိ ဖွင့်လှစ် သင်ကြားခဲ့ပြီး သင်တန်းဆင်းပွဲအခမ်းအနားကို နေ့လည် (၁၆:၁၅) နာရီတွင် ရုပ်သိမ်းခဲ့ပါ သည်။