စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာနတွင် တာဝန်ထမ်းဆောင်နေသည့် လူငယ်ဝန်ထမ်းများ၏ လုပ်ငန်းဆောင်ရွက်မှုတွင် ပိုမိုထိရောက်စွာ ဆောင်ရွက်နိုင်ရေးအတွက် လူငယ်အသိပညာဖလှယ်ပွဲ ၂/၂၀၂၃ ကို လူ့စွမ်းအားအရင်းအမြစ်ဖွံ့ဖြိုးမှုနှင့်လူငယ်၏အခန်းကဏ္ဍ ခေါင်းစဉ်ဖြင့် ၂၀၂၃ ခုနှစ်၊ အောက်တိုဘာလ ၁၆ ရက်နေ့၊ မွန်းလွဲ ၁၅း၀၀ နာရီတွင် ဤဦးစီးဌာန၊ သင်တန်းကျောင်း၌ ကျင်းပပြုလုပ်ခဲ့ပြီး ဦးစီးကော်မတီဝင်များနှင့် အသက် ၃၅ နှစ်အောက်လူငယ်ဝန်ထမ်း (၆၀)ဦး ပါဝင်တက်ရောက်ခဲ့ပါသည်။

   လူငယ်အသိပညာဖလှယ်ပွဲတွင် နိုင်ငံတော်ဖွံ့ဖြိုးတိုးတက်ရေးတွင် လူသားအရင်းအမြစ်သည် အဓိကအရေးပါသည့် အချက်ဖြစ်ကြောင်း၊ လူသားအရင်းအမြစ်များ ရရှိရေးဆောင်ရွက်ရာတွင် အချိန်ကြာမြင့်စွာ ဆောင်ရွက်ရသဖြင့် လူငယ်ဘဝမှစတင်၍ ပံ့ပိုးဆောင်ရွက်ရန်လိုအပ်ကြောင်း၊ လူငယ်များအနေဖြင့်လည်း မိမိစွမ်းရည်ကို ပိုမိုတောက်ပစွာ ဆောင်ရွက်ရန်လိုအပ်ကြောင်း၊ လူကောင်းလူတော်များဖြစ်ရန် ကြိုးပမ်းသင့်ကြောင်း၊ လူငယ်ဝန်ထမ်းများအနေဖြင့် ကောင်းမွန်သော စိတ်ဓာတ်၊ စည်းကမ်းနှင့် စွမ်းဆောင်ရည်တို့ကို အခြေခံ၍ စွမ်းဆောင်ရည်ပြည့်ဝသော၊ ယှဉ်ပြိုင်နိုင်စွမ်းရှိသောဝန်ထမ်းများ ဖြစ်ပေါ်စေရေးအတွက် ကြိုးပမ်းဆောင်ရွက်ရန်လိုအပ်ကြောင်း စသည်တို့ကို လူငယ်ဝန်ထမ်း(၅)ဦးမှ ဦးဆောင်၍ အသိပညာဖလှယ်ခဲ့ကြပြီး တက်ရောက်လာသည့် လူငယ်ဝန်ထမ်းများက သိလိုသည်များကို ဆွေးနွေးမေးမြန်းခဲ့ကာ လူငယ်အသိပညာဖလှယ်ပွဲကို ၁၆း၃၀ နာရီတွင် ရုပ်သိမ်းခဲ့ပါသည်။