_0.png)
, 
စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၏ ဝန်ထမ်းထုဆန္ဒဖော်ထုတ်ပွဲအခမ်းအနားကို ၂၀၂၃ ခုနှစ်၊ အောက်တိုဘာလ (၆) ရက်နေ့၊ မွန်းလွဲ (၁၅:၃၀) နာရီအချိန်တွင် ဌာန၏အစည်းအဝေးခန်းမ၌ Hybrid ပုံစံဖြင့် ကျင်းပပြုလုပ်ခဲ့ပါသည်။
ဝန်ထမ်းထုဆန္ဒဖော်ထုတ်ပွဲတွင် ညွှန်ကြားရေးမှူးချုပ်က လစဉ်အစည်းအဝေး ဆုံးဖြတ်ချက်များ၏ ဆောင်ရွက်ပြီးစီးမှုအခြေအနေများ၊ လုပ်ငန်းပိုင်းနှင့် စည်းကမ်းပိုင်းဆိုင်ရာများနှင့်စပ်လျဉ်း၍ စနစ်တကျစိစစ်ဆောင်ရွက်ရန်လိုအပ်ကြောင်း၊ နိုင်ငံ့ဝန်ထမ်းများဖြစ်သည့်အတွက် စည်းမျဉ်းစည်းကမ်းပိုင်းများကို တိကျစွာလိုက်နာရန်လိုအပ်ကြောင်း၊ မီးဘေးအန္တရာယ်နှင့် လုံခြုံရေးအထူးသတိထားရန်လိုအပ်ကြောင်းနှင့် သတင်းအချက်အလက်လုံခြုံရေးဆိုင်ရာ ကိစ္စရပ်များအတွက် လမ်းညွှန်မှာကြားခဲ့ပါသည်။ အဆိုပါ ဝန်ထမ်းထု ဆန္ဒဖော်ထုတ်ပွဲသို့ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် အရာထမ်း၊ အမှုထမ်း စုစုပေါင်း ဝန်ထမ်းဦးရေ (၁၉၁)ဦး တက်ရောက်ကြပါသည်။
ထို့နောက် ကဏ္ဍအသီးသီးရှိ ဝန်ထမ်းများ၏ တင်ပြချက်များအပေါ် ညွှန်ကြားရေးမှူးချုပ်က ညှိနှိုင်းပေါင်းစပ်ဖြည့်ဆည်းဆောင်ရွက်ပေးခဲ့ပြီး ဝန်ထမ်းထုဆန္ဒဖော်ထုတ်ပွဲကို မွန်းလွဲ (၁၆း၃၀) နာရီတွင် ရုပ်သိမ်းခဲ့ပါသည်။