နေပြည်တော် မေ ၂၅

စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းသည် (၂၅.၅.၂၀၁၇) ရက်နေ့ နံနက် ၈ နာရီခွဲတွင် မြန်မာနိုင်ငံဆိုင်ရာ တူရကီနိုင်ငံ သံအမတ်ကြီး H.E. Kerem Divanlioglu နှင့် အဖွဲ့အား  စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ် (၁) ၌ လက်ခံ တွေ့ဆုံခဲ့၍  တူရကီနိုင်ငံနှင့် မြန်မာနိုင်ငံအကြား နှစ်နိုင်ငံ ဆက်ဆံရေး တိုးမြှင့်မှုဆိုင်ရာ ကိစ္စရပ်များနှင့် စပ်လျဉ်း၍ ဆွေးနွေးခဲ့ကြသည်။

ထို့ပြင် ပြည်ထောင်စုဝန်ကြီးအား နေ့လည် ၃ နာရီတွင် International Division EDF မှ Senior Vice President, Asia ဖြစ်သူ Mr. Jean-Christophe PHILBE မှ လာရောက် တွေ့ဆုံ၍ ရွှေလီ ၃ ရေအားလျှပ်စစ် စီမံကိန်းနှင့် စပ်လျဉ်း၍ တင်ပြပြီး ဆက်လက်ဆောင်ရွက်မည့် လုပ်ငန်းစဉ်များအတွက် လမ်းညွှန်မှုခံယူခဲ့သည်။

(သတင်းစဉ်)