နေပြည်တော် ၊ ၂၀၂၃ ခုနှစ်၊ အောက်တိုဘာ ၆ 
ရေရှည်တည်တံ့ခိုင်မြဲသည့် ဖွံ့ဖြိုးမှုပန်းတိုင်များ (Sustainable Development Goals – SDGs) အကောင်အထည်ဖော်ရေးအတွက် ဆောင်ရွက်ခဲ့သည့်/ဆောင်ရွက်ဆဲလုပ်ငန်း/ လုပ်ငန်း စီမံကိန်း/ စီမံချက်များနှင့် ငွေကြေးသုံးစွဲမှု အစီအစဉ်များ တောင်းခံခြင်းနှင့်စပ်လျဉ်းသည့် ညှိနှိုင်း အစည်းအဝေးကို စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီးရုံး၊ ညွှန်ကြားရေးမှူးချုပ် ဦးဆောင်၍ ၅-၁၀-၂၀၂၃ ရက်၊ (၁၄:၀၀) နာရီတွင် ရုံးအမှတ် (၃၂)၊ အစည်းအဝေးခန်းမ၌ Hybrid ပုံစံဖြင့် ကျင်းပခဲ့ပါသည်။ 
အစည်းအဝေးသို့ ပြည်ထောင်စုအဆင့်အဖွဲ့အစည်းများ/ ပြည်ထောင်စုဝန်ကြီးဌာနများ/ မြန်မာနိုင်ငံတော်ဗဟိုဘဏ်နှင့် နေပြည်တော်စည်ပင်သာယာရေးကော်မတီတို့မှ ကိုယ်စားလှယ် များ ကိုယ်တိုင်တက်ရောက်ကြပြီး တိုင်းဒေသကြီး/ပြည်နယ်အစိုးရအဖွဲ့များမှ ကိုယ်စားလှယ် များ၊ ရန်ကုန်မြို့တော်နှင့် မန္တလေးမြို့တော် စည်ပင်သာယာရေးကော်မတီတို့မှ ကိုယ်စားလှယ် များက Virtual ပုံစံဖြင့် တက်ရောက်ကြပါသည်။
အစည်းအဝေးတွင် စီမံကိန်းနှင့် ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီးရုံး၊ ညွှန်ကြားရေးမှူးချုပ်က ဝန်ကြီးဌာန/အဖွဲ့အစည်းများနှင့် တိုင်းဒေသကြီး/ပြည်နယ်များတွင် SDGs အကောင်အထည်ဖော်မှုများနှင့်စပ်လျဉ်း၍ ဆောင်ရွက်ခဲ့သည့် လုပ်ငန်း/ လုပ်ငန်းစီမံကိန်း များ/ စီမံချက်များနှင့် လက်ရှိဆောင်ရွက်နေသည့် လုပ်ငန်းများအတွက် ဘဏ္ဍာငွေ သုံးစွဲပြီးစီးမှု အခြေအနေများအတွက် ပေါင်းစပ်ညှိနှိုင်းရမည့် ကိစ္စရပ်များနှင့်စပ်လျဉ်း၍ ဆွေးနွေးပြောကြား ပါသည်။
တက်ရောက်လာကြသည့်ဌာနများမှ ကိုယ်စားလှယ်များက SDGs အကောင်အထည်ဖော် မှုအတွက် လုပ်ငန်းများဆောင်ရွက်မှု အခြေအနေများနှင့်စပ်လျဉ်း၍ မေးမြန်းဆွေးနွေးမှုများ အပေါ် စီမံကိန်းရေးဆွဲရေးဦးစီးဌာန၊ ညွှန်ကြားရေးမှူးချုပ်က ပြန်လည်ဆွေးနွေးဖြေကြား ပါသည်။
ဆွေးနွေးချက်များအပေါ် ညွှန်ကြားရေးမှူးချုပ်က လိုအပ်သည်များကို ဖြည့်စွက်ဆွေးနွေး ပြီး အစည်းအဝေးကို (၁၅: ၀၀) နာရီတွင် ရုပ်သိမ်းခဲ့းပါသည်။
သတင်းစဉ်