_0.png)
နေပြည်တော် ၊ စက်တင်ဘာ ၂၂
တရုတ်-မြန်မာ စီးပွားရေးစင်္ကြံအောက်ရှိ ဖွံ့ဖြိုးတိုးတက်မှုစီမံကိန်း ပူးပေါင်းဆောင်ရွက်မှု လုပ်ငန်းအဖွဲ့၏ လုပ်ငန်းညှိနှိုင်းအစည်းအဝေးကို လုပ်ငန်းအဖွဲ့ဥက္ကဋ္ဌ၊ စီမံကိန်းနှင့်ဘဏ္ဍာရေး ဝန်ကြီးဌာန၊ ပြည်ထောင်စုဝန်ကြီးရုံး၊ ညွှန်ကြားရေးမှူးချုပ် ဦးကျော်ထင် ဦးဆောင်၍ ၂၁-၉-၂၀၂၃ ရက်၊ နံနက် (၉:၀၀) နာရီတွင် ရုံးအမှတ်(၂၆)၊ အစည်းအဝေးခန်းမ၌ Hybrid ပုံစံဖြင့် ကျင်းပခဲ့ရာ အစည်းအဝေးသို့ ဖွံ့ဖြိုးတိုးတက်မှုစီမံကိန်း ပူးပေါင်းဆောင်ရွက်မှု လုပ်ငန်းအဖွဲ့၊ အဖွဲ့ဝင်များနှင့် ကိုယ်စားလှယ်များ တက်ရောက်ပါသည်။
အစည်းအဝေးတွင် ဖွံ့ဖြိုးတိုးတက်မှုစီမံကိန်း ပူးပေါင်းဆောင်ရွက်မှုလုပ်ငန်းအဖွဲ့ ဥက္ကဋ္ဌ၊ စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီးရုံး၊ ညွှန်ကြားရေးမှူးချုပ်က ဖွံ့ဖြိုး တိုးတက်မှု စီမံကိန်းပူးပေါင်းဆောင်ရွက်မှု လုပ်ငန်းအဖွဲ့၏ လုပ်ငန်းဆောင်ရွက်နေမှု အခြေ အနေများ၊ ပေါင်းစပ်ညှိနှိုင်းရမည့်ကိစ္စရပ်များနှင့်စပ်လျဉ်း၍ ဆွေးနွေးပြောကြားပါသည်။
တက်ရောက်လာကြသည့် လုပ်ငန်းအဖွဲ့ဝင်များနှင့် ကိုယ်စားလှယ်များမှ လက်ရှိလုပ်ငန်း ဆောင်ရွက်မှုအခြေအနေများနှင့်စပ်လျဉ်း၍ ဆွေးနွေးတင်ပြခဲ့ကြပြီး ဆွေးနွေးချက်များအပေါ် ညွှန်ကြားရေးမှူးချုပ်က လိုအပ်သည်များကို ဖြည့်စွက်ဆွေးနွေးပြီး အစည်းအဝေးကို နံနက် (၁၀:၃၀) နာရီတွင် ရုတ်သိမ်းခဲ့ပါသည်။
သတင်းစဉ်
