Lee Kwan Yew School of Public Policy, National University of Singapore ၏ အစီအစဉ်အရနိုင်ငံဝန်ထမ်းများစွမ်းဆောင်ရည် မြင့်မားစေရန် နှင့် ခေါင်းဆောင်မှုအရည်အသွေး မြှင့်တင်ရန် ရည်ရွယ်၍ GE International Inc. နှင့် စီမံကိန်းနှင့် ဘဏ္ဍာရေးဝန်ကြီးဌာန၊ နိုင်ငံခြားစီးပွားဆက်သွယ်ရေးဦးစီးဌာနတို့ ပူးပေါင်း၍ Executive Program on Leadership and Policy Developmentဖွင့်ပွဲအခမ်းအနားကိုယနေ့ နံနက် ၉ နာရီတွင် နေပြည်တော်ရှိ Park Royal ဟိုတယ်၌ ကျင်းပသည်။

          အခမ်းအနားသို့ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ဒုတိယဝန်ကြီးဦးကျော်မျိုး၊ စီမံကိန်းနှင့် ဘဏ္ဍာရေးဝန်ကြီးဌာနဒုတိယဝန်ကြီးဦးဆက်အောင်၊ GE International Inc. ၏ GE APAC မှ Chief Executive Officer, Mr. Wouter Van Wersch ၊ Lee Kwan Yew School of Public Policy, National University of Singapore မှ ပါမောက္ခနှင့် ဝန်ကြီးဌာန၊ အဖွဲ့အစည်းများမှ အရာထမ်းများတက်ရောက်ကြသည်။

          ရှေးဦးစွာစီမံကိန်းနှင့် ဘဏ္ဍာရေးဝန်ကြီးဌာနဒုတိယဝန်ကြီးဦးဆက်အောင် နှင့် GE International Inc. ၏ GE APAC မှ Chief Executive Officer, Mr. Wouter Van Werschတို့ကအဖွင့်အမှာစကားပြောကြားသည်။

          ထို့နောက် Lee Kwan Yew School of Public Policy, National University of Singapore မှ Prof. Ed LKYS က အရှေ့တောင်အာရှနိုင်ငံများ၏ စီးပွားရေးဖွံ့ဖြိုး တိုးတက်မှုနှင့် ဗီယက်နမ်နိုင်ငံ၏ စွမ်းအင်ဖွံ့ဖြိုးတိုးတက်မှု အတွေ့အကြုံများကို ရှင်းလင်း ပြောကြားသည်။

          အဆိုပါအစီအစဉ်ကိုမေလ ၂၃ ရက်မှ ၂၅ ရက်ထိ ၃ ရက်ကြာပြုလုပ်မည်ဖြစ်ပြီး ဝန်ကြီးဌာန/ အဖွဲ့အစည်း (၁၄) ခုမှ အရာထမ်း (၇၀) ဦးခန့် တက်ရောက်လျက်ရှိကြောင်း သတင်းရရှိသည်။

နေပြည်တော် မေ ၂၃

(သတင်းစဉ်)