စီမံကိန်းနှင့် ဘဏ္ဍာရေးဝန်ကြီးဌာနပြည်ထောင်စုဝန်ကြီးဦးကျော်ဝင်းသည် တရုတ်ပြည် သူ့သမ္မတနိုင်ငံ အမျိုးသားဖွံ့ဖြိုးရေးနှင့် ပြုပြင်ပြောင်းလဲရေးကော်မရှင် (National Develop- ment and Reform Commission-NDRC)၊ Foreign Capital and Overseas Investmentဌာန ဒုတိယညွှန်ကြားရေးမှူးချုပ် Mr. ZhengChipingနှင့် မြန်မာနိုင်ငံဆိုင်ရာ တရုတ်ပြည်သူ့ သမ္မတနိုင်ငံသံအမတ်ကြီး H.E Mr. Hong Liangဦးဆောင်သောအဖွဲ့အားယနေ့ နံနက် ၁၁နာရီခွဲတွင် စီမံကိန်းနှင့် ဘဏ္ဍာရေးဝန်ကြီးဌာနရုံးအမှတ် (၂၆) ၌ လက်ခံတွေ့ဆုံသည်။

          ထိုသို့တွေ့ဆုံရာတွင် ပြည်ထောင်စုသမ္မတမြန်မာနိုင်ငံတော်အစိုးရနှင့် တရုတ်ပြည်သူ့ သမ္မတနိုင်ငံအစိုးရတို့အကြား တရုတ်-မြန်မာစီးပွားရေးစင်္ကြံလမ်း တည်ထောင်ရေးနှင့် စပ်လျဉ်း သည့် နားလည်မှုစာချွန်လွှာ လက်မှတ်ရေးထိုးနိုင်ရေး၊ အခြေခံစီးပွားရေး အဆောက်အအုံ ဖွံ့ဖြိုးရေးအတွက် ကားလမ်းရထားလမ်းနှင့် သယ်ယူပို့ဆောင်မှုလုပ်ငန်းများ၊ လယ်ယာကဏ္ဍ စိုက်ပျိုးမွေးမြူရေးလုပ်ငန်းများတွင် ပူးပေါင်းဆောင်ရွက်ရေး၊ နယ်စပ်စီးပွားရေးဇုန်၊ စီးပွားရေး ဇုန်များထူထောင်ရေး၊ တရုတ်-မြန်မာနှစ်နိုင်ငံ ခရီးသွားလုပ်ငန်းဖွံ့ဖြိုးတိုးတက်ရေး၊ ငွေရေးကြေး ရေးဆိုင်ရာပူးပေါင်းဆောင်ရွက်မှုကိစ္စများကိုဆွေးနွေးခဲ့ကြသည်။

          တွေ့ဆုံပွဲသို့ စီမံကိန်းနှင့် ဘဏ္ဍာရေးဝန်ကြီးဌာနမှ တာဝန်ရှိသူများ၊ NDRC အပြည်ပြည်ဆိုင်ရာပူးပေါင်းဆောင်ရွက်ရေး (Department of International Cooperation) ဌာန ညွှန်ကြားရေးမှူး Mr. Chen Shuai ၊ Yunnan Development and Reform Commission ညွှန်ကြားရေးမှူး Mr. Shi Chaobingနှင့် တာဝန်ရှိသူများ၊ တက်ရာက်ကြသည်။

ညနေပိုင်းတွင် တရုတ်-မြန်မာစီးပွားရေးစင်္ကြံလမ်းတည်ထောင်ရေးနှင့် စပ်လျဉ်း၍ လုပ်ငန်းများအကောင်အထည်ဖော်ဆောင်ရွက်နိုင်ရန် ညွှန်ကြားရေးမှူးချုပ်အဆင့် အစည်းအဝေး ကျင်းပကာ အသေးစိတ် ဆွေးနွေးခဲ့ကြောင်းသတင်းရရှိသည်။

(သတင်းစဉ်)

နေပြည်တော် မေ ၁၄