စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းသည် ယနေ့ မွန်းလွဲ ၂ နာရီတွင် ယူနန်ပေါင်စန်းဟိန်ယိကုမ္ပဏီလုပ်ငန်းစုဥက္ကဋ္ဌ Mr. Duan Zhiku ခေါင်း ဆောင်သော ကိုယ်စားလှယ်အဖွဲ့အား စီမံကိန်းနှင့် ဘဏ္ဍာရေးဝန်ကြီးဌာနရုံးအမှတ် (၂၆) ၌ လက်ခံတွေ့ဆုံသည်။

          ထိုသို့ တွေ့ဆုံရာတွင် ကချင်ပြည်နယ် အစိုးရနှင့် Yunnan Baoshan Hengyi Industry Group တို့အကြား မြစ်ကြီးနား စီးပွားရေးဖွံ့ဖြိုးမှုဇုန် စီမံကိန်းအား ပူးပေါင်းဆောင်ရွက်မှုနှင့် အကောင်အထည်ဖော်မှု အခြေအနေ၊ ဒေသခံများ၏ စိုက်ပျိုးရေး၊ မွေးမြူရေးကဏ္ဍ ဖွံ့ဖြိုး တိုးတက်စေရေးဆိုင်ရာ ကိစ္စရပ်များနှင့်ပတ်သက်၍ ဆွေးနွေးခဲ့ကြသည်။

          တွေ့ဆုံပွဲသို့ စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးဆက်အောင်၊ အမြဲတမ်းအတွင်းဝန် ဦးထွန်းထွန်းနိုင်နှင့် တာဝန်ရှိသူများ၊ ယူနန်ပေါင်စန်းဟိန်ယိ ကုမ္ပဏီ လုပ်ငန်းစုဥက္ကဋ္ဌ Mr. Duan Zhiku ခေါင်းဆောင်သော ကိုယ်စားလှယ်အဖွဲ့တို့ တက်ရာက် ကြကြောင်း သတင်းရရှိသည်။

(သတင်းစဉ်)

နေပြည်တော် ဧပြီ ၁၀