_0.png)
, 
, 
စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီးဦးကျော်ဝင်းသည် တာဝန်ရှိသူများလိုက်ပါလျှက် ၂၄ -၁၁ -၂၀၁၇ ရက်နေ့ နေ့လည်ပိုင်းအချိန်တွင် မွန်ပြည်နယ်အတွင်းရှိမြဝတီ၊ ဘားအံ၊ ပဲခူး ၊ ရန်ကုန် ကားလမ်းမကြီးမိုင်တိုင် ၉၆ မိုင်၊ (၄)ဖာလုံရှိမရမ်းချောင် အမြဲတမ်းစစ်ဆေးရေးစခန်းအားရှောင်တခင် သွားရောက် စစ်ဆေးခဲ့ပါသည်။
အဆိုပါမရမ်းချောင် တရားမဝင် ကုန်စည်စစ်ဆေးရေးစခန်းအားအကောက်ခွန်ဦးစီးဌာန၊ ကုန်သွယ်ရေးဦးစီးဌာန၊ လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီးဌာန၊ ကုန်းလမ်းပို့ဆောင်ရေးဦးစီးဌာန၊ စိုက်ပျိုးရေးဦးစီးဌာန၊ မွေးမြူရေးဦးစီးဌာန၊ မူယစ်အထူးအဖွဲ့၊ ယာဉ်ထိမ်းရဲတပ်ဖွဲ့၊ သတင်းမီဒီယာ၊ UMFCCI ၊ မြန်မာနိုင်ငံရဲတပ်ဖွဲ့တို့ ပါဝင်သည့် စုစုပေါင်းအရာထမ်း(၉)ဦး၊ အမှုထမ်း(၆၇)ဦးတို့ဖြင့် ဖွဲ့စည်း၍ ၁ -၃ -၂၀၁၇ရက်နေ့တွင် စတင်ဖွင့်လှစ်ခဲ့ပြီးတရားမဝင်ကုန်စည်များအားစစ်ဆေးအရေးယူလျှက်ရှိရာယနေ့အထိအမှုတွဲပေါင်း (၂၆၅)မှုကျော်အားအရေးယူနိုင်ခဲ့ပြီးဖြစ်ပါသည်။
ပြည်ထောင်စုဝန်ကြီးသည် မရမ်းချောင် စစ်ဆေးရေးစခန်းရှိတာဝန်ထမ်းဆောင်လျှက်ရှိသော ညွှန်ကြားရေးမှူးဦးစီးသည့်အရာထမ်း/အမှုထမ်းများအားတွေ့ဆုံခဲ့ပြီးလက်ရှိလုပ်ငန်းဆောင်ရွက်လျှက်ရှိသည့် အခြေအနေများ၊ စစ်ဆေးအရေးယူထားရှိသည့် အမှုတွဲများအခြေအနေ၊ အခြားရှောင်ကွင်းလမ်းများမှ ကုန်စည်များဖြတ်သန်းမှုအခြေအနေများနှင့် ဝန်ထမ်းများ၏ နေထိုင်စားသောက်ရေးနှင့် ကျန်းမာရေးအခြေအနေများအားတာဝန်ရှိသူများမှ တင်ပြကြရာပြည်ထောင်စုဝန်ကြီးကလိုအပ်သည်များညှိနှိုင်းပေါင်းစပ်ပေးခဲ့ပါသည်။ ထို့နောက်ပြည်ထောင်စုဝန်ကြီးနှင့်အဖွဲ့သည် မရမ်းချောင် အမြဲတမ်းစစ်ဆေးရေးစခန်းအားအသေးစိတ်လှည့်လည်ကြည့်ရှုစစ်ဆေးခဲ့ကြောင်းသတင်းရရှိပါသည်။