Introduction to Power BI  ဌာနတွင်းသင်တန်းဖွင့်ပွဲ အခမ်းအနားကို ၅-၁၀-၂၀၂၃ ရက်နေ့၊ နေ့လယ် (၁:၀၀) နာရီ အချိန်တွင် ဒုတိယညွှန်ကြားရေးမှူးချုပ် ဦးသန်းဇော်မှ တက်ရောက်ဖွင့်လှစ်ပေးခဲ့ပါသည်။ အဆိုပါသင်တန်းကို ၂၀၂၃ ခုနှစ်၊ အောက်တိုဘာလ ၅ ရက်နေ့မှ အောက်တိုဘာလ ၂၇ ရက်နေ့အထိ ရက်သတ္တပတ် (၁) ပတ်လျှင် (၂) ရက်ဖြင့် ကြာသပတေးနေ့နှင့် သောကြာနေ့များတွင် ရုံးအမှတ်(၃၂) ၊ ဗဟိုစာရင်းအင်းအဖွဲ့၏ သင်တန်းခန်းမ၌ သင်ကြားပို့ချမည် ဖြစ်ပါသည်။
သင်တန်းဖွင့်လှစ်ရသည့် အဓိကရည်ရွယ်ချက်များမှာ-
    သင်တန်းသားများအနေဖြင့် Power BI သင်တန်းမှ သင်ယူရရှိသောနည်းပညာ များကိုအသုံးပြု၍ ဗဟိုစာရင်းအင်းအဖွဲ့မှဆောင်ရွက်နေသည့် စာရင်းအင်းများ ကောက်ယူ၊ စုစည်း၊ တွက်ချက်ထုတ်ပြန်သည့် လုပ်ငန်းများအတွက် လက်တွေ့ကျကျ အသုံးပြုနိုင်စေရန်နှင့် ရုံးလုပ်ငန်းများကို လွယ်ကူလျင်မြန်စွာ ထမ်းဆောင်နိုင်စေရန် ရည်ရွယ်၍ဖွင့်လှစ်ခြင်းဖြစ်ပါသည်။
သင်ကြားပို့ချမည့် ဘာသာရပ်ဆိုင်ရာများမှာ-
Microsoft Excel မှ တစ်ဆင့် Power Query ကိုအသုံးပြု၍ Data Transformation ပြုလုပ်နည်း၊ Power Pivot တွင် DAX Language ကိုအသုံးပြု၍ Raw Data များကို Business Information အဖြစ်ပြောင်းလဲနည်း၊ Power BI Desktop တွင်ပါရှိသည့် Functional & Tools များ ကိုအသုံးပြု၍ Data Visualization ကို chart, graph, map ရေးဆွဲပုံဖော်ခြင်းစသည့်တို့ကို သင်ကြားပို့ချမည်ဖြစ်ပါသည်။
    အဆိုပါသင်တန်းသို့ ဗဟိုစာရင်းအင်းအဖွဲ့ ရုံးချုပ်မှ အရာထမ်း၊ အမှုထမ်း စုစုပေါင်း (၁၉) ဦး တက်ရောက်ကြမည်ဖြစ်ပါသည်။