နေပြည်တော်၊ အောက်တိုဘာလ(၂)ရက်

စာရင်းအင်းကဏ္ဍ အရည်အသွေး ဖွံ့ဖြိုးတိုးတက်ရေးအတွက် စာရင်းအင်းကဏ္ဍဆိုင်ရာ လုပ်ငန်းအဖွဲ့ (SSWG)/ စာရင်းအင်းကဏ္ဍဆိုင်ရာ ပေါင်းစပ်ညှိနှိုင်းရေးအဖွဲ့(SSCG) အစည်းအဝေးကို ဗဟိုစာရင်းအင်းအဖွဲ့မှ ကြီးမှူး၍ ၂၀၁၇ ခုနှစ်၊ အောက်တိုဘာလ(၂)ရက်နေ့၊ တနင်္လာနေ့၊ နံနက် ၉:၃၀ နာရီတွင် နေပြည်တော်၊ ရုံးအမှတ်(၃၂)၊ အစည်းအဝေးခန်းမ၌ ကျင်းပ ပြုလုပ်ခဲ့ပါသည်။ အစည်းအဝေးသို့ စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်၊ ညွှန်ကြားရေးမှူးများနှင့် NSDS Cluster အဖွဲ့ ခေါင်းဆောင်များနှင့်အဖွဲ့ဝင်များ၊ ဖွံ့ဖြိုးမှုမိတ်ဖက်များ၊ ပုဂ္ဂလိကအဖွဲ့အစည်းများ၊ ဌာနဆိုင်ရာ အဖွဲ့အစည်းများမှ တာဝန်ရှိသူများ စုစုပေါင်း(၉၅)ဦးခန့် တက်ရောက်ခဲ့ကြပါသည်။

အမျိုးသားစာရင်းအင်းအရည်အသွေး ဖွံ့ဖြိုးတိုးတက်ရေးအတွက် ဗဟိုစာရင်းအင်းအဖွဲ့မှ ဦးဆောင်၍ စာရင်းအင်းဆိုင်ရာ ဖွံ့ဖြိုးမှုအမျိုးသားအဆင့်မဟာဗျူဟာ(NSDS)ကို ဖွံ့ဖြိုးမှု မိတ်ဖက်များ၏ အကူအညီဖြင့် အကောင်အထည်ဖော်ဆောင်လျက်ရှိရာ လုပ်ငန်းအဖွဲ့ တစ်ခုချင်း စီ၏ လုပ်ငန်းအကောင်အထည်ဖော်ဆောင်ရွက်မှု အခြေအနေများနှင့်လိုအပ်ချက်များ၊ ဆက်လက် ဆောင်ရွက်ရမည့် လုပ်ငန်းစဉ်များအား ဖွံ့ဖြိုးမှုမိတ်ဖက်အဖွဲ့ဝင်များမှ တာဝန်ရှိသူများနှင့် ဆွေးနွေးညှိနှိုင်းအကြံပြုချက်များ ရယူဆောင်ရွက်ရန်အတွက် ရည်ရွယ်ပါသည်။

စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ အဖွင့်အမှာစကားပြောကြားရာတွင် ကျင်းပပြုလုပ်သော (၁၀) ကြိမ် မြောက် စာရင်းအင်းကဏ္ဍဆိုင်ရာ လုပ်ငန်းအဖွဲ့(SSWG) အစည်းအဝေးသည် စာရင်းအင်း ကဏ္ဍဆိုင်ရာ ပေါင်းစပ်ညှိနှိုင်းရေးအဖွဲ့(SSCG) အစည်းအဝေးလည်းဖြစ်ပါကြောင်း၊ စာရင်း အင်းဌာနများနှင့် ဖွံ့ဖြိုးမှုမိတ်ဖက်များအကြား စာရင်းအင်းကဏ္ဍ ပိုမိုကောင်းမွန်လာစေရန် ညှိနှိုင်း ပူးပေါင်းဆောင်ရွက်မှုများ ပြုလုပ်ခြင်းဖြစ်ပါကြောင်း၊ ပူးပေါင်းဆောင်ရွက်မှု အဆင့်တိုင်း တွင်လည်း ပိုမိုရင်းနှီးစွာဆောင်ရွက်ရန်ဖြစ်ပါကြောင်း၊ လတ်တလောဆောင်ရွက် လျက်ရှိသော CSO ၏ Statistical Progress နှင့် ဖွံ့ဖြိုးမှုမိတ်ဖက်ဖြစ်သော World Bank အကူအညီ အထောက်အပံ့ဖြင့် ရေးဆွဲထားသော NSDS နှင့်ပတ်သက်၍ သတင်းပေးလိုပါကြောင်း၊ (၉) ကြိမ် မြောက်နှင့် (၁၀) ကြိမ်မြောက် စာရင်းအင်းကဏ္ဍဆိုင်ရာ လုပ်ငန်းအဖွဲ့ (SSWG) အစည်းအဝေးအကြား ဆောင်ရွက်ခဲ့သော လုပ်ငန်းစဉ်များကိုလည်း ရှင်းလင်းမည်ဖြစ်ပါ ကြောင်း၊ Development Assistance Coordination Unit (DACU)အရ စာရင်းအင်းကဏ္ဍ ဆိုင်ရာလုပ်ငန်းအဖွဲ့ (SSWG)မှ စာရင်းအင်းကဏ္ဍဆိုင်ရာ ပေါင်းစပ်ညှိနှိုင်းရေးအဖွဲ့ (SSCG) သို့ ပြောင်းလဲရမည်ဖြစ်ပါကြောင်း၊ DACU ၏ လမ်းညွှန်ချက်အရ စာရင်းအင်းကဏ္ဍ ဆိုင်ရာ ပေါင်းစပ်ညှိနှိုင်းရေးအဖွဲ့(SSCG)၏ Code of Conduct (TOR) ကို အဆိုပြုရမည် ဖြစ်ပါ ကြောင်း၊ သို့ဖြစ်ပါ၍ အနာဂတ်တွင် ညှိနှိုင်းပူးပေါင်းဆောင်ရွက်မှုများကို ပိုမိုမြှင့်တင်ရန်လိုအပ်ပါ ကြောင်း၊ ယခုအခါ စာရင်းအင်းဥပဒေသည်လည်း နောက်ဆုံးအဆင့်အနေဖြင့် ပြည်သူ့ လွှတ်တော်တွင် တင်ပြထားပြီးဖြစ်ပါကြောင်း၊ NSDS Action Plan (မူကြမ်း)ကိုလည်း သက်ဆိုင်ရာ ဌာနဆိုင်ရာများနှင့် ဆွေးနွေးပွဲများ များစွာပြုလုပ်ပြီးနောက် World Bank နှင့် CSO တို့ ပူးပေါင်း၍ ရေးဆွဲထားပြီးဖြစ်ကြောင်း၊ ပြီးခဲ့သော နှစ်တွင်ပြုလုပ်သော Peer Review တွင် the Gap of NSS ကိုဖော်ထုတ် ပေးခဲ့ပါကြောင်းနှင့် ဝန်ထမ်းများကို စွမ်းရည်မြှင့်တင်ခြင်း၊ လူ့စွမ်းအားအရင်းအမြစ်များကို ဖွံ့ဖြိုးတိုးတက်စေရန် ပြုလုပ်သင့်ကြောင်း၊ Training များ လိုအပ်ပါကြောင်း၊ ဖွံ့ဖြိုးမှုမိတ်ဖက်များမှလည်း Training များအတွက် ကူညီထောက်ပံ့ပေး နေပါကြောင်း၊ CSO အနေဖြင့် Training ပေးရာတွင်လည်း ရုံးချုပ်ဝန်ထမ်းများ သာမက ပြည်နယ်နှင့် တိုင်းဒေသကြီးများမှ ဝန်ထမ်းများနှင့် သက်ဆိုင်ရာ ဝန်ကြီးဌာနအသီးသီးရှိ စာရင်းအင်းဌာနများမှ ဝန်ထမ်းများလည်း ပါဝင်ပါကြောင်း၊ မိမိတို့ ဝန်ကြီးဌာနအောက်တွင် ဖွင့်လှစ်ထားသော အုပ်ချုပ်မှုနှင့်ဖွံ့ဖြိုးမှု ပညာဘွဲ့လွန်ဌာန သင်တန်းကျောင်းတွင်လည်း စာရင်းအင်းပညာဒီပလိုမာ (PGDS) ကိုလည်း ဖွင့်လှစ်ပေးခဲ့ပါကြောင်း၊ ယခုအခါ မိမိတို့ဌာနရှိ သင်တန်းခန်းမတွင် စာရင်းအင်းနှင့်သက်ဆိုင်သောပညာများ သင်ကြားနိုင်ရန် ဆောင်ရွက်ထား ပါကြောင်း၊ ပိုမိုပြည်စုံသော အသေးစိတ်အချက်အလက်များနှင့် ဓါတ်ပုံများကိုလည်း Power Point ဖြင့်ဆက်လက်တင်ပြသွားမည်ဖြစ်ပါကြောင်းနှင့် အစည်းအဝေးသို့ တက်ရောက်သည့် အတွက်များစွာ ကျေးဇူးတင်ရှိပါကြောင်း  ပြောကြားပါသည်။

ထို့နောက် UNFPA တွဲဖက်ဥက္ကဋ္ဌ Ms. Janet Jackson မှ စာရင်းအင်း အရည်အသွေးဖွံ့ဖြိုးမှု မိတ်ဖက် အဖွဲ့ဝင်များကိုယ်စား အမှာစကားပြောကြားပါသည်။

ဆက်လက်၍ ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ လတ်တလော ဆောင်ရွက်လျက်ရှိသော CSO၏ စာရင်းအင်းဖွံ့ဖြိုးတိုးတက်မှုဆိုင်ရာ Updates များနှင့် ပတ်သက်၍ အသေးစိတ် အချက်အလက်များ၊ ဓါတ်ပုံများဖြင့်တင်ပြပြီး Training Calendar ၊ Survey Calendar and Release Calendar အကြောင်းအရာများ ကိုရှင်းလင်း တင်ပြပါသည်။ NSDS Cluster ခေါင်းဆောင်များမှလည်း Current Status of NSDS Implementation Plan နှင့်ပတ်သက်၍ရှင်းလင်းတင်ပြပြီး တက်ရောက်လာသောဖွံ့ဖြိုးမှု မိတ်ဖက်အဖွဲ့ဝင်များမှ ပူးပေါင်းဆောင်ရွက်ရန် နယ်ပယ်များနှင့်စပ်လျဉ်း၍ ပြန်လည် ဆွေးနွေး တင်ပြကြပါသည်။ ထို့နောက် ညွှန်ကြားရေးမှူးချုပ် ဒေါက်တာဝါဝါမောင်မှ ပြန်လည်ဆွေးနွေး ကာ နိဂုံးချုပ်အမှာစကားပြောကြား၍ အစည်းအဝေးကို နေ့လည်(၁၁:၄၅)နာရီတွင် ရုပ်သိမ်းခဲ့ပါ သည်။