မြန်မာနေထိုင်မှုအခြေအနေစစ်တမ်း(၂၀၁၇) အဓိကညွှန်ကိန်းများအစီရင်ခံစာ မိတ်ဆက်ပွဲ  အခမ်းအနားကို ၂၀၁၉ ခုနှစ်၊ မတ်လ(၂၉)ရက်နေ့၊ နံနက်(၁၀:၀၀)နာရီတွင် မကွေးတိုင်းဒေသကြီး၊ မြို့နယ်စုပေါင်းရုံးခန်းမ၌ ကျင်းပခဲ့ရာ မကွေးတိုင်းဒေသကြီး၊ စီမံကိန်း၊ ဘဏ္ဍာရေးနှင့် စည်ပင် သာယာရေးဝန်ကြီး ဦးဇော်မင်းမှ အဖွင့်အမှာစကား ပြောကြားခဲ့ပါသည်။

          ထို့နောက် ဗဟိုစာရင်းအင်းအဖွဲ့ ဒုတိယညွှန်ကြားရေးမှူးချုပ် ဉီးသန်းဇော်မှ မြန်မာ နေထိုင်မှုအခြေအနေစစ်တမ်း(၂၀၁၇) အဓိကညွှန်ကိန်းများအစီရင်ခံစာနှင့် စပ်လျဉ်း၍ ရှင်းလင်း တင်ပြခဲ့ပြီး  အစည်းအဝေးသို့ တက်​ရောက်လာကြသူများမှ သိလိုသည်များကို  ပြန်လည်ဆွေးနွေး တင်ပြခဲ့ကြပါသည်။

          အစည်းအဝေးသို့ မကွေးတိုင်းဒေသကြီး အစိုးရအဖွဲ့ဝင်ဝန်ကြီးများ၊ ဌာနဆိုင်ရာများမှ ဖိတ်ကြားထားသည့်ပုဂ္ဂိုလ်များ၊ မကွေးတိုင်းဒေသကြီး၊ ဗဟိုစာရင်းအင်းအဖွဲ့မှ ဝန်ထမ်းများ အပါအဝင် စုစုပေါင်း(၁၀၀)ဦးခန့် တက်ရောက်ခဲ့ကြပါသည်။

(သတင်းစဉ်)