စီမံကိန်းနှင့် ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့ နှင့် ကုလသမဂ္ဂငြိမ်းချမ်းရေးနှင့် ဖွံ့ဖြိုးတိုးတက်ရေးရန်ပုံငွေအဖွဲ့(UN Peace နှင့်Development Trust Fund)တို့ပူးပေါင်းဆောင် ရွက်သည့် “စဉ်ဆက်မပြတ်ဖွံ့ဖြိုးမှုပန်းတိုင်များ အောင်မြင်စေရေးအတွက် Macroeconomic  Modeling Tool ကို အသုံးပြု၍ နိုင်ငံတော်၏ မူဝါဒများကို ထိရောက်ခိုင်မာစွာ ချမှတ်နိုင်ရန် စွမ်းဆောင်ရည် တည်ဆောက်ရေး” အလုပ်ရုံဆွေးနွေးပွဲကို ၂၀၁၉ ခုနှစ်၊ ဖေဖော်ဝါရီလ (၈)ရက်၊ နေ့လည်(၀၁:၀၀)နာရီတွင် နေပြည်တော် Kempinski Hotel ၌ ကျင်းပပြုခဲ့လုပ်ရာ ဗဟိုစာရင်း အင်းအဖွဲ့၊ ညွှန်ကြားရေးမှူးချုပ် ဦးဆန်းမြင့်မှ အဖွင့်အမှာစကား ပြောကြားရာတွင် စဉ်ဆက် မပြတ်ဖွံ့ဖြိုးမှုပန်းတိုင်များ အောင်မြင် စေရေးအတွက် Macroeconomic Modeling Tool ကို အသုံးပြုခြင်းဖြင့် ဒေသတွင်းချိတ်ဆက်ဆောင်ရွက်မှုများတွင် လိုအပ်သော မူဝါဒဆိုင်ရာ လိုအပ်ချက်များ၊ SDGs အကောင်အထည်ဖော်မှု အခြေအနေများကို သိရှိနိုင်မှာ ဖြစ်ပါကြောင်း၊ ဗဟိုစာရင်းအင်းအဖွဲ့အနေဖြင့်လည်း “Data To Policy” ဆိုသည့်အတိုင်း စာရင်းအင်း အချက်အလက်များမှတစ်ဆင့် ပြည့်စုံကောင်းမွန်သောမူဝါများ ဖြစ်ပေါ်လာစေရန် အတွက်  စာရင်း အင်းဆိုင်ရာ ပံ့ပိုးမှုများ ဆောင်ရွက်သွားမည် ဖြစ်ပါကြောင်း ပြောကြားခဲ့ပါသည်။

ဆက်လက်၍ United Nation Department of Economic and Social Affairs (UNDESA)၏ စီးပွားရေးရာအရာရှိ၊ Dr. Namsuk Kim မှ နှုတ်ခွန်းဆက်စကား ပြောကြား ခဲ့ပြီး“Maximizing Development Impact of Investment on  Sustainable Development Goals” ခေါင်းစဉ်ဖြင့်လည်းကောင်း၊ စီမံကိန်းနှင့် ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့၊ ဒုတိယညွှန်ကြားရေးမှူးချုပ် ဦးသန်းဇော်မှ “SDGs Monitoring in Myanmar” ခေါင်းစဉ်ဖြင့် လည်းကောင်း၊ UNDESA ၏စာရင်းအင်းပညာရှင်၊ Mr.Sokol Vako မှ “SDG Monitoring and Policy Applications”  ခေါင်းစဉ်ဖြင့်လည်းကောင်း၊ UNDESA ၏ National Consultant၊ ဒေါ်မြလွင်လွင်အောင်မှ “Investments and SDGs in Myanmar” ခေါင်းစဉ်ဖြင့် လည်းကောင်း ရှင်းလင်းဆွေးနွေးပြောကြားခဲ့ကြပါသည်။

ထို့နောက် တက်ရောက်လာသူများမှ သိရှိလိုသည့် အချက်အလက်များအား မေးမြန်း ဆွေးနွေး တင်ပြခဲ့ကြပြီး ဗဟိုစာရင်းအင်းအဖွဲ့၊ ဒုတိယညွှန်ကြားရေးမှူးချုပ် ဦးသန်းဇော်၊ UNDESA မှ စီးပွားရေးရာအရာရှိ၊ Dr. Namsuk Kim နှင့် စာရင်းအင်းပညာရှင်၊ Mr. Sokol Vako တို့မှ ပြန်လည် ရှင်းလင်းဆွေးနွေးခဲ့ကြပါသည်။

အလုပ်ရုံဆွေးနွေးပွဲသို့ နိုင်ငံခြားရေးဝန်ကြီးဌာန၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ စက်မှုဝန်ကြီးဌာန၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စီမံကိန်းနှင့် ဘဏ္ဍာရေးဝန်ကြီးဌာန၊ ရင်းနှီး မြုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ ဆောက်လုပ်ရေးဝန်ကြီးဌာန၊ မြန်မာ နိုင်ငံတော်ဗဟိုဘဏ်၊ မိတ္ထီလာစီးပွားရေးတက္ကသိုလ်၊ မြန်မာနိုင်ငံကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်(UMFCCI)၊ ကမ္ဘာ့ဘဏ်(World Bank)၊ အာရှဖွံ့ဖြိုးရေးဘဏ် (Asia Development Bank)နှင့် ကုလသမဂ္ဂ(UN) အဖွဲ့အစည်းများမှ ကိုယ်စားလှယ်များနှင့် ဖိတ်ကြားထားသူများ အပါအဝင် စုစုပေါင်း(၅၀)ဦးခန့် တက်ရောက်ခဲ့ ကြပါသည်။ (သတင်းစဉ်)

၂၀၁၉ ခုနှစ် ၊ ဖေဖော်ဝါရီလ (၈) ရက်