နိုဝင်ဘာလ (၅) ရက်နေ့မှ (၉) ရက်နေ့အထိ ဒိန်းမတ်နိုင်ငံအစိုးရ၏ အထောက်အပံ့ဖြင့် စီမံကိန်းနှင့် ဘဏ္ဍာရေးဝန်ကြီးဌာန၊ ဗဟို စာရင်းအင်းအဖွဲ့ နှင့် အပြည်ပြည်ဆိုင်ရာ သုတေသနမိတ်ဖက် အဖွဲ့အစည်းဖြစ်သည့် United Nations University World Institute for Development Economics Research (UNU-WIDER) တို့ ပူးပေါင်းဖွင့်လှစ်သည့် Basic Statistics and In Depth Study Training သင်တန်းဖွင့်ပွဲအခမ်းအနားကို ၂၀၁၈ခုနှစ် နိုဝင်ဘာလ (၅)ရက်နေ့တွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ်(၃၂)၊ နေပြည်တော်ရှိ အစည်းအဝေးခန်းမ၌ ကျင်းပခဲ့ရာ ဗဟိုစာရင်းအင်းအဖွဲ့၊ ဒုတိယညွှန်ကြားရေးမှူးချုပ် ဦးသန်းဇော်နှင့် UNU-WIDER မှ Professor Mr. Henrik တို့မှ အဖွင့်အမှာစကား ပြောကြားခဲ့ပါသည်။ အဆိုပါ သင်တန်းသည် မြန်မာနိုင်ငံတစ်ပိုင်တစ်နိုင်၊ အသေးစားနှင့် အလတ်စား စီးပွားရေးလုပ်ငန်း(ကုန်ထုတ်လုပ်မှု) စစ်တမ်း(၂၀၁၇)နှင့် စပ်လျဉ်း၍ စစ်တမ်းကောက်ယူရာတွင် အသုံးပြုခဲ့သည့် စစ်တမ်းနမူနာ ရွေးချယ်ခြင်းလုပ်ငန်းစဉ် အဆင့်ဆင့်နှင့် စစ်တမ်းကောက်ယူရာမှ တွေ့ရှိခဲ့ရသည့် ရလဒ်များအား Stata Software အသုံးပြု၍ တွက်ချက်မှုများကို စာတွေ့ လက်တွေ့ သိရှိနိုင်ရန် ဖြစ်ပါသည်။ သင်တန်းကာလမှာ (၅-၁၁-၂၀၁၈)ရက်နေ့မှ (၉-၁၁-၂၀၁၈)ရက်နေ့ အထိ ဖြစ်ပြီး သင်တန်းသို့ ဗဟိုစာရင်းအင်းအဖွဲ့ ရုံးချုပ်နှင့် ပြည်နယ်နှင့် တိုင်းဒေသကြီးများမှ သင်တန်းသား(၃၀)ဦး တက်ရောက်ခဲ့ကြပါသည်။ (သတင်းစဉ်)