စီမံကိန်းနှင့် ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့နှင့် အာရှဖွံ့ဖြိုးရေးဘဏ်(ADB) တို့ ပူးပေါင်းဖွင့်လှစ်ပို့ချသည့် စတုတ္ထအကြိမ်အလယ်အလတ်အဆင့် စာရင်းအင်းပညာအသုံးချမှု ဆင့်ပွားသင်တန်းဖွင့်ပွဲ အခမ်းအနားကို စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ်(၃၂)၊ အစည်းအဝေးခန်းမ၌ ၂၀၁၈ခုနှစ် အောက်တိုဘာလ (၈)ရက်နေ့တွင် ကျင်းပခဲ့ရာ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာဝါဝါမောင် နှင့် ADB National Consultant  ဦးတင်အောင် တို့ မှ အဖွင့်အမှာစကား ပြောကြားခဲ့ပါသည်။

အဆိုပါသင်တန်းတွင်အလယ်အလတ်အဆင့် စာရင်းအင်းပညာအသုံးချမှုနှင့် ပတ်သက်၍ သင်ကြားပို့ချသွားမည်ဖြစ်ပြီးသင်တန်းသားများအနေဖြင့် လုပ်ငန်းခွင်တွင် လက်တွေ့အသုံးချ နိုင်ရန်၊ စာရင်းအင်းဆိုင်ရာ လုပ်ငန်းနယ်ပယ်များတွင် ပိုမိုထိရောက်စွာ ဆောင်ရွက်သွားနိုင်ရန် နှင့် လုပ်ငန်းစွမ်းဆောင်ရည် တိုးတက်စေရန် ရည်ရွယ်၍ ဖွင့်လှစ်ခြင်းဖြစ်ပါသည်။ သင်တန်း ကာလမှာ (၈-၁၀-၂၀၁၈) ရက်နေ့မှ (၁၉-၁၀-၂၀၁၈) ရက်နေ့အထိ ဖြစ်ပြီး သင်တန်းသို့  ဗဟိုစာရင်းအင်းအဖွဲ့ရုံးချုပ်နှင့် ပြည်နယ်နှင့် တိုင်းဒေသကြီးများမှ သင်တန်းသား/သူ (၂၅)ဦး တက်ရောက်ကြမည် ဖြစ်ပါသည်။

၂၀၁၈ ခုနှစ် ၊ အောက်တိုဘာလ (၈) ရက်နေ့