_0.png)
ဗဟိုစာရင်းအင်းအဖွဲ့မှ ကချင်ပြည်နယ်အတွင်းရှိ မြို့နယ်ပညာရေးမှူးများနှင့် မြို့နယ် အုပ်ချုပ်ရေးမှူးများအား စာရင်းအင်းဆိုင်ရာ အသိပညာပေးသင်တန်းကို (၂၆-၉-၂၀၁၈)ရက်နေ့ မှ (၂၇-၉-၂၀၁၈)ရက်နေ့အထိ ကျင်းပပြုလုပ်ခဲ့ပါသည်။ (၂၆-၉-၂၀၁၈)ရက်နေ့တွင် ကချင်ပြည်နယ်အတွင်းရှိ မြို့နယ်ပညာရေးမှူးများအား စာရင်းအင်းဆိုင်ရာ အသိပညာပေးသင်တန်းကို ကချင်ပြည်နယ် ဗဟိုစာရင်းအင်းအဖွဲ့ရုံး၊ အစည်းအဝေးခန်းမ၌ ကျင်းပပြုလုပ်ခဲ့ရာ ကချင်ပြည်နယ်အစိုးရအဖွဲ့၊ ဘဏ္ဍာ၊ အခွန်၊ စီမံကိန်း နှင့် စီးပွားရေးဝန်ကြီး ဦးဝေလင်းမှ အဖွင့်အမှာစကားပြောကြားခဲ့ပါသည်။ ဆက်လက်၍ ဗဟိုစာရင်းအင်းအဖွဲ့၊ ဒုတိယညွှန်ကြားရေးမှူးချုပ် ဦးသန်းဇော်မှ သင်တန်းပို့ချခဲ့ပါသည်။ သင်တန်းသို့ ခရိုင်(၄)ခရိုင်အပါအဝင် မြို့နယ်(၁၈)မြို့နယ်မှ ပညာရေးမှူးများနှင့် စာရင်းအင်း လုပ်ငန်း ဆောင်ရွက်နေသူများ၊ ကချင်ပြည်နယ် ဗဟိုစာရင်းအင်းအဖွဲ့မှ ဝန်ထမ်းများ စုစုပေါင်း (၇၄) ဦး တက်ရောက် ခဲ့ကြပါသည်။ (၂၇-၉-၂၀၁၈)ရက်နေ့တွင် ကချင်ပြည်နယ်အတွင်းရှိ မြို့နယ်အုပ်ချုပ်ရေးမှူးများအား စာရင်းအင်းဆိုင်ရာ အသိပညာပေးသင်တန်းကို ကချင်ပြည်နယ် ဗဟိုစာရင်းအင်းအဖွဲ့ရုံး၊ အစည်းအဝေးခန်းမ၌ ကျင်းပပြုလုပ်ခဲ့ရာ ဗဟိုစာရင်းအင်းအဖွဲ့၊ ဒုတိယညွှန်ကြားရေးမှူးချုပ်၊ ဦးသန်းဇော်မှ အဖွင့်အမှာစကားပြောကြားခဲ့ပြီးနောက် သင်တန်းဆက်လက်ပို့ချခဲ့ပါသည်။ သင်တန်းသို့ ပြည်နယ်အထွေထွေအုပ်ချုပ်ရေးဦးစီးဌာန၊ မြစ်ကြီးနားခရိုင် အုပ်ချုပ်ရေးမှူး ဦးခေါင်လန်ဒီး၊ မြို့နယ်(၉)မြို့နယ်မှ မြို့နယ်အုပ်ချုပ်ရေးမှူးများနှင့် စာရင်းအင်းလုပ်ငန်း ဆောင်ရွက်နေသူများ၊ ကချင်ပြည်နယ် ဗဟိုစာရင်းအင်းအဖွဲ့မှ ဝန်ထမ်းများ စုစုပေါင်း (၄၃) ဦး တက်ရောက်ခဲ့ကြပါသည်။ အဆိုပါသင်တန်းသည် နိုင်ငံတော်ဖွံ့ဖြိုးတိုးတက်ရေးအတွက် စာရင်းအင်းအချက်အလက် မှန်ကန်ရေးနှင့် အရည်အသွေးပြည့်ဝရေးလုပ်ငန်းများနှင့် အမျိုးသားစာရင်းအင်းစနစ် အရေးပါပုံအား သိရှိနားလည်စေရန်၊ စာရင်းအင်းဥပဒေသစ်ကို ပြည်နယ်နှင့် တိုင်းဒေသကြီး များရှိ စာရင်းအင်းလုပ်ငန်းများ တာဝန်ယူဆောင်ရွက်နေသည့် ဌာနဆိုင်ရာများ၊ အဖွဲ့အစည်းများ အကြား ရှင်းလင်းစွာ သိရှိနိုင်စေရန်၊ ဌာနဆိုင်ရာများအနေဖြင့် SDGs ညွှန်ကိန်းများအကြောင်း သိရှိနိုင်စေရန်၊ SDGs ပန်းတိုင်များနှင့် နိုင်ငံတော်၏ စီးပွားရေးမူဝါဒများ ချိတ်ဆက် ဆောင်ရွက်နေမှုများအား သိရှိစေရန်၊ အရည်အသွေးပြည့်ဝသည့် စာရင်းဇယားများ အချိန်နှင့် တစ်ပြေးညီ ရရှိနိုင်စေရန် ရည်ရွယ်၍ ဆွေးနွေးပို့ချခဲ့ခြင်း ဖြစ်ပါသည်။ (သတင်းစဉ်) စက်တင်ဘာလ ၂၆ ရက်နေ့မှ ၂၇ ရက်နေ
, 
, 