စီမံကိန်းနှင့် ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်၊ ညွှန်ကြားရေးမှူးများနှင့် SBRလုပ်ငန်းအဖွဲ့ဝင်များသည် ADB မှ Consultant များဖြစ်သော Mr. Albert C. San Juan နှင့်Mr.Nikko Angelo D.Antonio၊ UNESCAP မှစာရင်းအင်းပညာရှင်Mr. Michael Rusell Biddingtonနှင့် Consultant၊ Mr.ZiadElgendyတို့သည် စီးပွားရေးလုပ်ငန်းများမှတ်ပုံတင်ခြင်းဆိုင်ရာ စာရင်းအင်းလုပ်ငန်း (Statistical Business Register-SBR) ဆောင်ရွက်နေမှုများ၊ နည်းပညာဆိုင်ရာ အထောက် အပံ့ပေးမှုများ၊ ရှေ့လုပ်ငန်းစဉ်များနှင့်ပတ်သက်၍ တွေ့ဆုံဆွေးနွေးပွဲကို ၂၀၁၈ ခုနှစ် စက်တင် ဘာလ (၁၃) ရက်နေ့တွင် ရုံးအမှတ် (၃၂)၊ အစည်းအဝေးခန်းမ၌ကျင်းပခဲ့ပါသည်။

    အဆိုပါဆွေးနွေးပွဲတွင် ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ စီးပွားရေးလုပ်ငန်းများ မှတ်ပုံတင်ခြင်းဆိုင်ရာ စာရင်းအင်းလုပ်ငန်း (SBR) ထူထောင်ရန် အတွက် လိုအပ်မှုများကိုရှင်းလင်းပြောကြားခြင်း၊ UNESCAP မှ Mr. Michael Rusell  Biddington မှရရှိထားသော စီးပွားရေးလုပ်ငန်းစာရင်းအင်းအချက်အလက်များအပေါ် သုံးသပ် တင်ပြခြင်းနှင့် ရှေ့ဆက်ဆောင်ရွက်မည့်လုပ်ငန်းစဉ်များနှင့် ပတ်သက်၍ ဆွေးနွေးပြောကြားခြင်း၊ ADB မှ Consultant များဖြစ်သော Mr. Albert C. San Juan နှင့်Mr.Nikko Angelo D. Antonio တို့မှ  ADB-SBR system နှင့်ပတ်သက်၍ လုပ်ငန်းဆောင်ရွက်နေမှုများနှင့် တိုးတက်မှုအခြေအနေများအား Power Point များဖြင့်ရှင်းလင်းပြသဆွေးနွေးခဲ့ကြပါသည်။

(သတင်းစဉ်)