Practical Course On Statistical Business Register (SBR)  ဌာနတွင်းသင်တန်းဖွင့်ပွဲ အခမ်းအနားကို ၉-၁၁-၂၀၂၃ ရက်၊ နေ့လယ် (၁:၀၀) နာရီ အချိန်တွင် ဒုတိယညွှန်ကြားရေးမှူးချုပ် ဦးသန်းဇော်မှ တက်ရောက်ဖွင့်လှစ်ပေးခဲ့ပါသည်။ အဆိုပါသင်တန်းကို ၂၀၂၃ ခုနှစ်၊ နိုဝင်ဘာလ ၉ ရက်မှ နိုဝင်ဘာလ ၂၃ ရက်အထိ ရက်သတ္တပတ် (၁) ပတ်လျှင် (၂) ရက်ဖြင့် ကြာသပတေးနေ့ နှင့်သောကြာနေ့များတွင် ရုံးအမှတ်(၃၂)၊ ဗဟိုစာရင်းအင်းအဖွဲ့၏သင်တန်းခန်းမ၌ နေပြည်တော် (ရုံးချုပ်)ရှိ ဝန်ထမ်းများအား In person ဖြင့်လည်းကောင်း၊ တိုင်းဒေသကြီး/ ပြည်နယ် ဝန်ထမ်းများအား Online စနစ်ဖြင့်လည်းကောင်း သင်ကြားပို့ချမည်ဖြစ်ပါသည်။
သင်တန်းဖွင့်လှစ်ရသည့် အဓိကရည်ရွယ်ချက်များမှာ-
သင်တန်းသားများအနေဖြင့် SBR ဆိုင်ရာ အသိပညာဗဟုသုတများရရှိစေရန်နှင့် Data Cleaning၊ Data Processing၊ Data Analysis အပိုင်းတို့ကို စာတွေ့၊ လက်တွေ့ ပေါင်းစပ်လေ့လာနိုင်စေရန်  ရည်ရွယ်၍ဖွင့်လှစ်ခြင်းဖြစ်ပါသည်။
သင်ကြားပို့ချမည့် ဘာသာရပ်ဆိုင်ရာများမှာ-
SBR လုပ်ငန်းဆောင်ရွက်မှု အဆင့်ဆင့်အား Microsoft Excel မှ တစ်ဆင့်  Power Query ကိုအသုံးပြု၍ Data Transformation ပြုလုပ်နည်း၊ Raw Data များကို Business Information အဖြစ်ပြောင်းလဲနည်း၊ Power BI Desktop တွင်ပါရှိသည့် Functional & Tools များ ကိုအသုံးပြု၍ Report Writing ရေးသားနည်းတို့ကို သင်ကြားပို့ချမည်ဖြစ်ပါသည်။
အဆိုပါသင်တန်းသို့ ဗဟိုစာရင်းအင်းအဖွဲ့၊ နေပြည်တော်(ရုံးချုပ်)နှင့် တိုင်းဒေသကြီး/ ပြည်နယ်မှ အရာထမ်း၊ အမှုထမ်း စုစုပေါင်း (၆၁) ဦး တက်ရောက်ကြမည်ဖြစ်ပါသည်။