“Training  on  Data  Base  Construction System No.1”  သင်တန်းဖွင့်ပွဲ  အခမ်းအနားကို   ၁၉-၉-၂၀၂၂ ရက်နေ့ နေ့လယ် (၁၁: ၀၀) နာရီ အချိန်တွင် ဒုတိယညွှန်ကြားရေးမှူးချုပ် ဦးကျော်ဆန်းဦး မှ တက်ရောက်၍ ဖွင့်လှစ်ပေးခဲ့ပါသည်။ အဆိုပါ သင်တန်းကို ၁၉-၉-၂၀၂၂  ရက်နေ့မှ  ၁၇-၁၀-၂၀၂၂ ရက်နေ့အထိ ရုံးအမှတ်(၃၂)၊  ဗဟိုစာရင်းအင်းအဖွဲ့၏ သင်တန်းခန်းမ၌  ၂၀ ရက်ကြာ ဖွင့်လှစ်ပို့ချမည် ဖြစ်ပြီး သင်တန်းနည်းပြဖြစ်သူ ဆရာ ဦးချမ်းငြိမ်းကျော်က သင်ကြားပို့ချမည်ဖြစ်ပါသည်။

သင်တန်းဖွင့်လှစ်ရသည့် အဓိကရည်ရွယ်ချက်များမှာ-

          Microsoft SQL Server Data Management Software ကို အသုံးပြုပြီး စာရင်းအင်းအချက် အလက်များ သတ်မှတ်ပုံစံ (format) နှင့် ထားသိုသိမ်းဆည်းတတ်စေရန် နှင့်လိုအပ်သည့်အချိန်တွင် လိုအပ်သလို ထုတ်ယူအသုံးပြုတတ်စေရန်၊  အချက်အလက်အသုံးပြုသူများအနက် လွယ်လင့်တကူ အသုံးပြုရလွယ်ကူစွာ  ရှာဖွေရယူနိုင်ရန် နှင့်   Big Data Pilot Project   အတွက် တစိတ်တပိုင်း အ ထောက်အကူ ဖြစ်စေရန် ရည်ရွယ်၍ ဖွင့်လှစ်ခြင်း ဖြစ်ပါသည်။

သင်ကြားပို့ချမည့် ဘာသာရပ်ဆိုင်ရာများမှာ-

          Introduction of SQL Query Language(SQL), Data Definition Language (DDL),Data Manipulation Language (DML),Create Database and Tables နှင့် Filtering Data တို့ဖြစ်ပါသည်။အဆိုပါ သင်ခန်းစာများအား SQl Server Management Studio နှင့် SQL Sever Configuration Manager စသည်တို့ကို အသုံးပြု၍ Microsoft SQL Server Management ဖြင့် Retrieving Data နှင့် Filtering Data ကိုလက်တွေ့ အသုံးချနိင်ရန်သင်ကြားပို့ချမည်ဖြစ်ပါသည်။

          အဆိုပါသင်တန်းသို့ ဗဟိုစာရင်းအဖွဲ့ ရုံးချုပ်မှ အရာထမ်း၊ အမှုထမ်း (၃၀)ဦး တက်ရောက်ပါသည်။