ဗဟိုစာရင်းအင်းအဖွဲ့သည် ဒိန်းမတ်နိုင်ငံ၏ အကူအညီဖြင့်  မြန်မာနိုင်ငံစီးပွားရေးလုပ်ငန်းများ အား စောင့်ကြည့်လေ့လာသည့်စနစ် (Myanmar Enterprise Monitoring System) (၂၀၁၇-၂၀၂၀) ၏ အစီအစဉ်တစ်ခုဖြစ်သော တစ်ပိုင်တစ်နိုင်၊ အသေးစားနှင့် အလတ်စားစီးပွားရေး လုပ်ငန်း ကုန်ထုတ်လုပ်မှု စစ်တမ်းကို ၂၀၁၇ ခုနှစ်၊ ဇွန်လတွင် အပြည်ပြည်ဆိုင်ရာ သုတေသန မိတ်ဖက်အဖြစ် UNU-WIDER အဖွဲ့နှင့် ပူးပေါင်းဆောင်ရွက်၍ကောက်ယူခဲ့ပါ သည်။

            အဆိုပါ စစ်တမ်း၏ အစီရင်ခံစာ (မူကြမ်း) တင်ပြခြင်းနှင့် စပ်လျဉ်း၍ သက်ဆိုင်ရာ ဝန်ကြီးဌာနများ၊ အဖွဲ့အစည်းများ၏ ဆွေးနွေးအကြံပြုချက်များ၊ သဘောထားမှတ်ချက်များ ရယူသည့် အစည်းအဝေးကို ၂၀၁၈ ခုနှစ်၊ မတ်လ (၁၄) ရက်၊ ဗုဒ္ဓဟူးနေ့ နံနက် (၉း၀၀) နာရီတွင် ဗဟိုစာရင်းအင်းအဖွဲ့၊ ရုံးအမှတ် (၃၂) အစည်းအဝေးခန်းမ၌ ကျင်းပပြုလုပ်ခဲ့ပါသည်။

          ဆွေးနွေးပွဲသို့ ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်၊ ဒုတိယ ညွှန်ကြားရေးမှူးချုပ် ဦးသန်းဇော် ၊ သက်ဆိုင်ရာဦးစီးဌာနများမှ ညွှန်ကြားရေးမှူးများ၊ ဒုတိယညွှန် ကြားရေးမှူးများ၊ ဖွံ့ဖြိုးမှုမိတ်ဖက်များ၊ ပြင်ပသုတေသနအဖွဲ့အစည်းများ၊ စီးပွားရေး တက္ကသိုလ်များ မှ စာရင်းအင်းပညာရှင်များ၊ ဌာနဆိုင်ရာ အဖွဲ့အစည်းများမှ တာဝန်ရှိသူများအပါအဝင် စုစုပေါင်း (၅၀) ဦးခန့် တက်ရောက်ကြပါသည်။ 

          ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ အဖွင့်အမှာစကားပြော ကြားရာတွင်  နိုင်ငံအတွင်းရှိစီးပွားရေးလုပ်ငန်းများ၏ ၉၈ ရာခိုင်နှုန်းသည် တစ်ပိုင်တစ်နိုင်၊ အသေး စားနှင့်အလတ်စား စီးပွားရေးလုပ်ငန်းများဖြစ်ကြောင်း၊  အသေးစားနှင့် အလတ်စား စီးပွားရေးလုပ် ငန်းများဖွံ့ဖြိုးတိုးတက်မှုသည် နိုင်ငံ၏စီးပွားရေးဖွံ့ဖြိုးတိုးတက်မှုအတွက် အရေးတကြီး လိုအပ်လျက် ရှိသော  ကဏ္ဍတစ်ခုဖြစ်ပါကြောင်း၊ စီးပွားရေးမူဝါဒ (၁၂) ရပ်တွင်လည်း ထည့်သွင်းချမှတ်ထားပါ ကြောင်း၊ စဉ်ဆက်မပြတ် ဖွံ့ဖြိုးမှုပန်းတိုင်များအရ  စီးပွားရေးအင်အားခိုင်မာတောင့်တင်းရန်အတွက် အဓိကကျပါကြောင်း၊  စစ်တမ်းအား စောင့်ကြည့်လေ့လာ အကဲဖြတ်သည့်စနစ်နှင့် ရရှိလာသော အချက်အလက်များအား သိုလှောင်သိမ်းဆည်းသည့်စနစ် (Database System) တို့လိုအပ်ပါ ကြောင်း၊ ဗဟိုစာရင်းအင်းအဖွဲ့အနေဖြင့် အရေအတွက်စစ်တမ်း (၂) ခုနှင့် အရည်အသွေးစစ်တမ်း (၂) ခု တို့ကို ၂၀၂၀ ခုနှစ်အထိ နှစ်စဉ်ကောက်ယူသွားမည်ဖြစ်ပါကြောင်း၊ စိန်ခေါ်မှုများအား ရင်ဆိုင်ကျော်လွှား၍ အစီရင်ခံစာ(မူကြမ်း)အား ထုတ်ဝေနိုင်ခဲ့ခြင်းဖြစ်ပါကြောင်း၊ ပထမအကြိမ် အစီရင်ခံစာ(မူကြမ်း) အတွက်  ဆွေးနွေးအကြံပြုချက်များသည် အရေးကြီးပါကြောင်း၊ သက်ဆိုင်ရာဝန်ကြီးဌာနများ၊ အဖွဲ့အ စည်းများ၏ အကြံပြုချက်များရယူပြီး ပိုမိုကောင်းမွန်သော အစီရင်ခံစာဖြစ်စေရန်အတွက် ဆောင် ရွက်သွားမည်ဖြစ်ပါကြောင်း ပြောကြားခဲ့ပါသည်။

          ထို့နောက် ဒိန်းမတ်နိုင်ငံဆိုင်ရာသံအမတ်ကြီး Mr. Peter Lysholt  Hansen မှ ပြောကြားရာတွင် အသေးစားနှင့် အလတ်စားစီးပွားရေးလုပ်ငန်းများ တိုးတက်မှုသည် မြန်မာနိုင်ငံ၏ စီးပွားရေးဖွံ့ဖြိုးတိုးတက်မှု ပန်းတိုင်ဖြစ်သည့် အလယ်အလတ်ဝင်ငွေရှိသော နိုင်ငံတစ်နိုင်ငံအဖြစ် နှစ် အနည်းငယ်အတွင်း ရပ်တည်နိုင်ရန်အတွက် အခြေခံအချက်ပင် ဖြစ်ပါကြောင်း၊ အားလုံးအကျုံး ဝင်ရန် လိုအပ်ပါကြောင်း၊ စီးပွားရေးလုပ်ငန်းများအား စောင့်ကြည့်လေ့လာသည့်စနစ် ထူထောင် နိုင်ခြင်းအားဖြင့် နိုင်ငံအတွင်းရှိအသေးစားနှင့် အလတ်စား စီးပွားရေးလုပ်ငန်းများ၏ အခြေအနေ ကို သိရှိနိုင်ယုံသာမက မူဝါဒများချမှတ်ရေးဆွဲရာတွင်လည်း အထောက်အကူပြုမည် ဖြစ် ပါကြောင်း၊ အစီရင်ခံစာ (မူကြမ်း)တွင် ပါရှိသည့် အရေးပါသော သတင်းအချက်အလက်များကို မူဝါဒများချမှတ်ရာတွင်  အလေးထား အသုံးပြုနိုင်ရန် အရေးကြီးပါကြောင်း၊ အစီရင်ခံစာ (မူကြမ်း) ပိုမိုကောင်းမွန်စေရန်အတွက် လွတ်လပ်ပွင့်လင်းစွာ ဝိုင်းဝန်းဆွေးနွေး အကြုံပြု စေလိုပါကြောင်း ပြောကြားခဲ့ပါသည်။

          ဆက်လက်၍ ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ Outline and Objectives of MSMEs Survey Draft Report -2017 ခေါင်းစဉ်ဖြင့် လည်းကောင်း၊ ဗဟိုစာရင်းအင်းအဖွဲ့၊ ညွှန်ကြားရေးမှူး ဒေါ်ခင်ဆွေလတ်မှ Briefing on Outcome of Overview of MSMEs Survey Draft Report-2017   ခေါင်းစဉ်ဖြင့် လည်းကောင်း ရှင်းလင်းပြောကြား ခဲ့ပါ သည်။

          ထို့နောက် တက်ရောက်လာကြသူများမှ မေးမြန်းဆွေးနွေးမှုများအား ဗဟိုစာရင်းအင်း အဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ ပြန်လည်ဖြေကြားခဲ့ပြီး နိဂုံးချုပ် အမှာစကား ပြောကြားကာ          အစည်းအဝေးအားနေ့လည် (၁၂: ၁၅) နာရီတွင် ရုပ်သိမ်းခဲ့ပါသည်။

(သတင်းစဉ်)