စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့မှ ညွှန်ကြားရေးမှူးချုပ် ဒေါက်တာဝါဝါမောင်သည် အာရှနှင့်ပစိဖိတ်ဒေသဆိုင်ရာ စီးပွားရေးနှင့်လူမူရေးကော်မရှင် (ESCAP)မှဖိတ်ကြားလာခြင်းကြောင့် ၂၀၁၇ ခုနှစ် ဒီဇင်ဘာလ (၄) ရက်နေ့မှ (၈) ရက်နေ့ထိ ဂျပန်နိုင်ငံတွင် ကျင်းပသည့် အာရှနှင့်ပစိဖိတ်ဒေသ စာရင်းအင်းအဖွဲ့အစည်း၏ (၁၃)ကြိမ်​​​​​မြောက်အုပ်ချုပ်မှုကောင်စီအစည်းအဝေးသို့တက်ရောက်လျက်ရှိပါသည်။

အဆိုပါအစည်းအဝေးတွင်မြန်မာနိုင်ငံ၏ပထမဦးဆုံးဖြစ်သည့်စာရင်းအင်းဆိုင်ရာဖွံ့ဖြိုးမှုအမျိုးသားအဆင့်မဟာဗျူဟာချမှတ်အကောင်ထည်ဖော်နိုင်ရေးလုပ်ငန်းဆောင်ရွက်မှုများ၊အမျိုးသားစာရင်းအင်းစနစ်၏စွမ်းဆောင်ရည်အကဲဖြတ်မှုလုပ်ငန်းများနှင့်စနစ်အတွင်းညှိနှိုင်းဆောင်ရွက်မှုယန္တရားထူထောင်မှုလုပ်ငန်းများ၊စဉ်ဆက်မပြတ်ဖွံ့ဖြိုးမှုပန်းတိုင်(SDG)ညွှန်းကိန်းများတွက်ချက်နိုင်ရေးစွမ်းရည်တည်ဆောက်ခြင်းနှင့်အသိပညာမြှင့်တင်ခြင်းလုပ်ငန်းဆောင်ရွက်နေမှုများ၊ မြန်မာနိုင်ငံ၏ ၂၀၁၆−၂၀၁၇ ဘဏ္ဍာနှစ်အတွင်း SDGs Monitoring and Evaluation လုပ်ငန်းဆောင်ရွက်ရန် လိုအပ်သည့် ပြင်ဆင်ဆောင်ရွက်နေမှုများ၊ SDG ညွှန်းကိန်းများ အတွက် အစီရင်ခံစာထုတ်ပြန်ဆောင်ရွက်မှုအခြေအနေများနှင့် ကြုံတွေ့နိုင်သည့်စိန်ခေါ်မှုများ၊ စာရင်းအင်းဆိုင်ရာ ဝန်ထမ်းများအတွက်စွမ်းရည်တည်ဆောက်ခြင်းနှင့် စာရင်းအချက်အလက် ရင်းမြစ်များ ရှာဖွေ​ဖော်ထုတ်ရာတွင် Statistical Institute for Asia and the Pacific (SIAP)နှင့်တကွ နိုင်ငံတကာ အမျိုးသားစာရင်းအင်းရုံးများအကြား ပူးပေါင်းဆောင်ရွက်နိုင် ရေး အတွက်ညှိနှိုင်းဆွေးနွေးကြမည်ဖြစ်ပါသည်။