နေပြည်တော် ၊ ဖေဖော်ဝါရီ ၉

စီမံကိန်းနှင့် ဘဏ္ဍာရေးဝန်ကြီးဌာန၊ ပြည်တွင်းအခွန်များဦးစီးဌာန၊ မြို့နယ်အခွန်ဦးစီး ဌာနမှူးလုပ်ငန်းကျွမ်းကျင်မှုသင်တန်း၊ အမှတ်စဉ် (၈၁) သင်တန်းဆင်းပွဲ အခမ်းအနားကို ယနေ့နံနက် ၉ နာရီက နေပြည်တော်ရှိ စီမံကိန်းနှင့်ဘဏ္ဍာရေးဝန်ကြီးဌာန၊ ပြည်တွင်းအခွန်များ ဦးစီးဌာန၌ ကျင်းပသည်။

သင်တန်းဆင်းပွဲ အခမ်းအနားသို့ စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဒေါ်သန်းသန်းလင်း၊ ဌာနဆိုင်ရာအကြီးအကဲများ၊ သင်တန်းနည်းပြများနှင့် အရာထမ်း/အမှုထမ်း များ တက်ရောက်ကြသည်။

အခမ်းအနားတွင် ဒုတိယဝန်ကြီး ဒေါ်သန်းသန်းလင်းက မြို့နယ်အခွန်ဦးစီးဌာနမှူးများ အနေဖြင့် ယခုသင်တန်းတွင် အခွန်ဆိုင်ရာဥပဒေ၊ နည်းဥပဒေနှင့် စည်းမျဉ်းများ၊ လုပ်ထုံးလုပ် နည်းများ၊ နိုင်ငံ့ဝန်ထမ်းဥပဒေနှင့် နည်းဥပဒေများ၊ ခေတ်စနစ်နှင့်အညီ ပြုပြင်ပြောင်းလဲနေသော အခွန်ဆိုင်ရာ ပြုပြင်ပြောင်းလဲမှုအခြေအနေများ၊ အခွန်စည်းကြပ်ခြင်းနှင့်ဆက်စပ်နေသော စာရင်းကိုင်ပညာ၊ အခွန်ဆိုင်ရာစာရင်းစစ်ဆေးခြင်း၊ ICT နည်းပညာကိုအခြေခံပြီး အခွန်စည်း ကြပ်ကောက်ခံခြင်းဆိုင်ရာကိစ္စရပ်များ၊ လုပ်ငန်းနှင့်ဆက်စပ်နေသော ပင်စင်အမှုတွဲအမျိုးမျိုး တည်ဆောက်ပုံများ၊ ငွေကြေးခဝါချမှုတိုက်ဖျက်ရေးဆိုင်ရာ သိမှတ်စရာများ၊ အဂတိလိုက်စားမှု တိုက်ဖျက်ရေးဆိုင်ရာ သိမှတ်စရာများကို စာတွေ့နှင့် လက်တွေ့ပေါင်းစပ်ပြီး သင်ကြားပို့ချပေး ခဲ့ကြောင်း၊ ဝန်ထမ်းများ၏ လုပ်ငန်းစွမ်းဆောင်ရည် (Capacity) မြှင့်တင်ပေးနိုင်ရေးအတွက် လူ့စွမ်းအားအရင်းအမြစ်များ ဖွံ့ဖြိုးတိုးတက်လာစေရန် ရည်ရွယ်၍ ယခုကဲ့သို့ သင်တန်းများကို စဉ်ဆက်မပြတ် ဖွင့်လှစ်ပို့ချပေးနေခြင်းဖြစ်ကြောင်း။

သင်တန်းသားများအနေဖြင့် မိမိတို့ တာဝန်ထမ်းဆောင်ရာနေရာများသို့ ပြန်လည် ရောက်ရှိကြသည့်အခါ သင်တန်းမှသင်ယူရရှိခဲ့သော အခွန်ကောက်ခံခြင်းဆိုင်ရာနည်းလမ်း များနှင့်ဆက်စပ်နေသော ဗဟုသုတများအား မိမိ၏အထက်အဆင့်အရာရှိများနှင့် လုပ်ဖော် ကိုင်ဖက်များအား Knowledge Sharing အဖြစ်လက်ဆင့်ကမ်းပြန်လည်မျှဝေပေးပြီး တစ်ဦး နှင့်တစ်ဦး ပေါင်းစပ်လုပ်ကိုင်ဆောင်ရွက်ကြရန် မှာကြားလိုကြောင်း၊ ဝန်ထမ်းများ၏ လုပ်ငန်းစွမ်းဆောင်ရည်မြင့်မားလာစေရန် ရည်ရွယ်ဖွင့်လှစ်ပေးခဲ့ခြင်းဖြစ်၍ သင်တန်းသား များအနေဖြင့် အမြဲတမ်းလေ့လာသင်ယူလိုစိတ်၊ မိမိကိုယ်ကို တိုးတက်အောင်ကြိုးစားချင်စိတ်၊ မိမိတာဝန်ထမ်းဆောင်နေသောအဖွဲ့အစည်း ပိုမိုတိုးတက်ကောင်းမွန်အောင် ဆောင်ရွက်ပေးလိုစိတ် စသည့် ခံယူချက်ကောင်းများ အမြဲထားရှိကာ ဌာန၏ရည်မှန်းချက်များ အောင်မြင်ရန် တတ်နိုင်သည့်ကဏ္ဍမှ ပူးပေါင်းဆောင်ရွက်ပေးကြရန်  တိုက်တွန်းလိုကြောင်း။

သင်ကြားပို့ချပေးလိုက်သော တည်ဆဲအခွန်ဆိုင်ရာဥပဒေ၊ နည်းဥပဒေ၊ စည်းမျဉ်း၊ အမိန့် ကြော်ငြာစာနှင့် ညွှန်ကြားချက်များကို ကျေညက်စွာနားလည်သိရှိထားမှသာ မိမိတို့လုပ်ငန်းများ ကို ကျွမ်းကျင်စွာဆောင်ရွက်နိုင်မည်ဖြစ်ကြောင်း၊ လုပ်ငန်းသဘောသဘာဝအရ အခွန်ထမ်း ပြည်သူများနှင့် ထိတွေ့ဆက်ဆံရာတွင် ပြည်သူ့အကျိုးကိုဆောင်ရွက်ပေးနေသော ပြည်သူ့ ဝန်ထမ်းအသိစိတ်ဓာတ်ဖြင့် အခွန်ထမ်းပြည်သူများက ပေးဆောင်ရမည့်အခွန်ငွေများကို တာဝန် သိအခွန်ထမ်းပီသစွာပေးဆောင်လိုသည့်စိတ်ဆန္ဒရှိလာစေရေးအတွက် အကောင်းဆုံးဝန်ဆောင် မှုပေးပြီး ဆောင်ရွက်ကြရန် တိုက်တွန်းလိုကြောင်း မှာကြားသည်။
    
ထို့နောက် ဒုတိယဝန်ကြီးက သင်တန်းတွင် ပထမ၊ဒုတိယနှင့် တတိယဆုရရှိသူ သင်တန်း သူများအား ဆုများချီးမြှင့်ခဲ့ပြီး၊ သင်တန်းဆင်း အောင်လက်မှတ်များ ပေးအပ်ခဲ့သည်။ သင်တန်း အား ရက်သတ္တ ရှစ်ပတ်ကြာ ဖွင့်လှစ်ပို့ချခဲ့ပြီး သင်တန်းသို့ ပြည်တွင်းအခွန်များဦးစီးဌာနနှင့် အခွန်အယူခံခုံအဖွဲ့ရုံးတို့မှ  သင်တန်းသား/သင်တန်းသူ စုစုပေါင်း ၈၀ ဦး တက်ရောက်ခဲ့ကြ ကြောင်း သိရသည်။ 

သတင်းစဉ်