ဇန်နဝါရီ  ၂၄

    
နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ၊ ဒုတိယဝန်ကြီးချုပ်၊ ဒုတိယဗိုလ်ချုပ်မှူးကြီး စိုးဝင်း၏ ခရီးစဉ်တွင် လိုက်ပါလာသည့် စီမံကိန်းနှင့်ဘဏ္ဍာရေးဝန်ကြီးဌာန ဒုတိယဝန်ကြီး ဦးမောင်မောင်ဝင်းသည် ယမန်နေ့၊ နေ့လည်ပိုင်းတွင် ကရင်ပြည်နယ် ရသုံးမှန်းခြေငွေစာရင်းဦးစီး ဌာန၌ စီမံကိန်းနှင့်ဘဏ္ဍာရေးဝန်ကြီးဌာန လက်အောက်ရှိ ဌာန (၁၁) ခုမှ ပြည်နယ်တာဝန်ခံ ညွှန်ကြားရေးမှူးများနှင့် တွေ့ဆုံ၍ ပြည်နယ်တာဝန်ခံများအနေဖြင့် ဌာန တာဝန်ခံဆောင်ရွက်ရ သည့်အတွက် ပြည်ထောင်စုမှချမှတ်ထားသော မူဝါဒ၊ လုပ်ထုံးလုပ်နည်းများ၊ ချမှတ်ထားသည့် လမ်းစဉ် များကို သိရှိရန်လိုအပ်သကဲ့သို့  ပြည်နယ်အစိုးရ၏ မူဝါဒနှင့် ရှေ့ဆက်ဆောင်ရွက်မည့် လုပ်ငန်းစဉ် များကို သိရှိနားလည်ရန်လိုအပ်ကြောင်း၊ နိုင်ငံတော်၏ ရှေ့လုပ်ငန်းစဉ် (၅) ရပ်၊ စီးပွားရေးဦးတည် ချက် (၃) ရပ်တို့ကို လက်အောက်ရှိဝန်ထမ်းများမှလည်း သိရှိအောင် ရှင်းလင်းဆွေးနွေးပေးရန်ဖြစ် ကြောင်း၊ ထို့ပြင် ပြည်ထောင်စုဝန်ကြီးဌာနများနှင့် ပြည်နယ်အစိုးရအဖွဲ့တို့ကြားတွင် ပေါင်းစပ် ညှိနှိုင်းဆောင်ရွက်ပေးရမည်ဖြစ်ကြောင်း၊ ယနေ့အချိန်အခါတွင် နိုင်ငံဒေသအချို့၌ လက်နက်ကိုင် ပဋိပက္ခများနှင့်ဆက်စပ်၍ လက်အောက်ဝန်ထမ်းများအား တစ်ဖက်အဖွဲ့အစည်းများမှ သွေးထိုး လှုံ့ဆော်မှုများရှိနေကြောင်း၊ ၎င်းတို့ကို လက်အောက်ဝန်ထမ်းများအား ဂရုပြုကြီးကြပ်ပေးရန်ဖြစ် ကြောင်း၊ ဌာနအတွင်းရှိ ဝန်ထမ်းများအချင်းချင်း စည်းလုံးညီညွတ်မှုရှိရန်လိုအပ်ပြီး လက်အောက် ဝန်ထမ်းများအား ကျောသားရင်သားမခွဲခြားဘဲ နာယကဂုဏ် (၆) ပါးနှင့်အညီ စီမံ အုပ်ချုပ်ရန် လိုအပ်ကြောင်း စသည်ဖြင့်ပြောကြားခဲ့ပြီး ပြည်နယ်ဌာနဆိုင်ရာများမှ တင်ပြချက်များအပေါ် ပေါင်းစပ်ညှိနှိုင်း ဖြည့်ဆည်းဆောင်ရွက်ပေးခဲ့ကြောင်း သတင်းရရှိသည်။

သတင်းစဉ်