ရန်ကုန် ၊ ဩဂုတ် ၃၀
တရုတ်ပြည်သူ့သမ္မတနိုင်ငံ၊ State Administration for Market Regulation ဌာန၊ ဝန်ကြီး Mr. LUO Wen ၏ဖိတ်ကြားချက်အရ ဒုတိယဝန်ကြီးချုပ်နှင့် စီမံကိန်းနှင့်ဘဏ္ဍာရေး ဝန်ကြီးဌာန၊ ပြည်ထောင်စုဝန်ကြီး ဦးဝင်းရှိန်ခေါင်းဆောင်သော မြန်မာကိုယ်စားလှယ်အဖွဲ့သည် တရုတ်ပြည်သူ့သမ္မတနိုင်ငံ၊ ချန်ဒူးမြို့တွင် ၂၀၂၃ ခုနှစ်၊ စက်တင်ဘာလ ၁ ရက်မှ ၂ ရက်အထိ ကျင်းပပြုလုပ်မည့် (၅) ကြိမ်မြောက် တရုတ်နိုင်ငံ၏ အရည်အသွေးပိုင်းဆိုင်ရာညီလာခံ (The Fifth Quality Conference) သို့ တက်ရောက်ရန် ယနေ့နံနက်ပိုင်းတွင် ရန်ကုန်အပြည်ပြည် ဆိုင်ရာလေဆိပ်မှ တရုတ်ပြည်သူ့သမ္မတနိုင်ငံ၊ ချန်ဒူးမြို့သို့ China Southern Airlines လေကြောင်းလိုင်းဖြင့် ထွက်ခွာသွားသည်။
မြန်မာကိုယ်စားလှယ်အဖွဲ့အား မြန်မာနိုင်ငံဆိုင်ရာ တရုတ်နိုင်ငံသံရုံးမှ စီးပွားရေးကောင် စစ်ဝန် Mr. Quyang Daobing နှင့် စီမံကိန်းနှင့်ဘဏ္ဍာရေးဝန်ကြီးဌာနအောက်ရှိ ဦးစီးဌာနများမှ ဌာနအကြီးအကဲများက ရန်ကုန် အပြည်ပြည်ဆိုင်ရာလေဆိပ်တွင် ပို့ဆောင်နှုတ်ဆက်ကြသည်။
ညီလာခံအား အရည်အသွေးပြောင်းလဲတိုးတက်မှုနှင့် စီးပွားရေးပြန်လည်ကောင်းမွန်စေ ရေးပူးပေါင်းဆောင်ရွက်မှု (Quality Evolution and Cooperation in Economic Recovery) ခေါင်းစဉ်ဖြင့် ကျင်းပမည်ဖြစ်ပြီး၊ ညီလာခံတွင် စီးပွားရေးနှင့်ကုန်သွယ်မှု၊ အရည်အသွေးပြည့်မီ သည့် အခြေခံအဆောက်အအုံများနှင့် စီးပွားရေးဝန်းကျင်တည်ဆောက်နိုင်ရေး၊ ကမ္ဘာလုံးဆိုင်ရာ အရည်အသွေးဖွံ့ဖြိုးတိုးတက်ရေးနှင့် ပူးပေါင်းဆောင်ရွက်ရေးဆိုင်ရာကိစ္စရပ်များကို အမြင်ချင်း ဖလှယ် ညှိနှိုင်းဆွေးနွေးကြမည်ဖြစ်ကြောင်း သိရသည်။
သတင်းစဉ်