နေပြည်တော် ၊ ဇူလိုင် ၇

    စီမံကိန်းနှင့် ဘဏ္ဍာရေးဝန်ကြီးဌာန၊ ၂၀၂၂-၂၀၂၃ ခုနှစ် တက္ကသိုလ်ဝင်စာမေးပွဲတွင်    ဂုဏ်ထူးရ ကျောင်းသား/ကျောင်းသူများ၊ သင်တန်းထူးချွန်ဆု၊ အားကစားထူးချွန်ဆု၊ ဝန်ကြီးဌာန အဆင့် ဆောင်းပါး၊ စာစီစာကုံးနှင့် ကဗျာပြိုင်ပွဲများတွင် ဆုရရှိကြသည့် ဝန်ထမ်းများအား ဆုချီး မြှင့်ခြင်းနှင့် ၂၀၂၃-၂၀၂၄ ပညာသင်နှစ် ပညာသင်ထောက်ပံ့ကြေးပေးအပ်ပွဲ အခမ်းအနားကို ယနေ့ နံနက် ၉ နာရီတွင် နေပြည်တော်ရှိစီမံကိန်းနှင့်ဘဏ္ဍာရေးဝန်ကြီးဌာန၊စုပေါင်းခန်းမ၌ ကျင်းပသည်။

    အခမ်းအနားတွင် ရှေးဦးစွာ ဒုတိယဝန်ကြီးချုပ်နှင့် စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီးဦးဝင်းရှိန်ကဂုဏ်ပြုအမှာစကားပြောကြားရာ၌ ၂၀၂၂-၂၀၂၃ ခုနှစ် တက္ကသိုလ် ဝင်စာမေးပွဲတွင် ဂုဏ်ထူးရကျောင်းသား/ကျောင်းသူများ၊ သင်တန်းထူးချွန်ဆု၊ အားကစားထူးချွန် ဆု၊ ဝန်ကြီးဌာနအဆင့် ဆောင်းပါး၊ စာစီစာကုံးနှင့် ကဗျာပြိုင်ပွဲများတွင် ဆုရရှိကြသည့် ဝန်ထမ်း များအား ဆုချီးမြှင့်ခြင်းနှင့် ၂၀၂၃-၂၀၂၄ ပညာသင်နှစ် ပညာသင်ထောက်ပံ့ကြေး ပေးအပ်ရသဖြင့် မင်္ဂလာရှိသည့်နေ့တစ်နေ့ဖြစ်ကြောင်း၊ ယခုကဲ့သို့ ထူးချွန်ဆုရရှိကြသူများသည် သာမန်ထက် ပိုမို ကြိုးစားအားထုတ်မှု၊ ဇွဲလုံ့လရှိမှုနှင့် ဉာဏ်ရည်ဉာဏ်သွေးပြည့်ဝမှုများကြောင့် ထိုက်တန်သည့်ဆု များကို ရရှိခဲ့ကြသူများဖြစ်ကြောင်း၊ နိုင်ငံတော်အစိုးရအနေဖြင့် အမျိုးသားပညာရည်မြင့်မားရေး နှင့် လူ့စွမ်းအားအရင်းအမြစ် ဖွံ့ဖြိုးတိုးတက်ရေးအစီအစဉ်များကို ချမှတ်ဆောင်ရွက်လျက်ရှိ ကြောင်း၊ အနာဂတ်နိုင်ငံတော်ဖွံ့ဖြိုးတိုးတက်ရေးအတွက် ယနေ့လူငယ်များသည် နောင်တစ်ချိန် တွင်နိုင်ငံ့တာဝန်များကိုပခုံးပြောင်းတာဝန်ယူဆောင်ရွက်သွားကြရမည့်သူများဖြစ်ကြောင်း၊ ခေတ်မီ ဖွံ့ဖြိုးတိုးတက်သည့် နိုင်ငံတည်ဆောက်ရာတွင် ရုပ်ပိုင်းဆိုင်ရာဖွံ့ဖြိုးတိုးတက်မှုနှင့်အတူ အသိ ပညာဗဟုသုတမြင့်မားပြီး၊ စိတ်ပိုင်းဆိုင်ရာဖွံ့ဖြိုးတိုးတက်ရေးသည်လည်း အရေးကြီးကြောင်း၊ နည်းပညာသစ်များဖြင့် စိန်ခေါ်မှု၊ ပြိုင်ဆိုင်မှုများပြားသည့် ယနေ့ကမ္ဘာကြီးတွင် သားငယ်၊ သမီး ငယ်များအနေဖြင့် အချိန်ကို အကျိုးရှိစွာအသုံးချ၍ အစဉ်ကြိုးစားသင်ယူသွားကြရန် တိုက်တွန်းလို ကြောင်း၊ မြန်မာနိုင်ငံအနေဖြင့် အိမ်နီးချင်းနိုင်ငံများ၊ ကမ္ဘာ့နိုင်ငံများနှင့် ရင်ပေါင်တန်းလိုက်နိုင် အောင် များစွာကြိုးစားရမည်ဖြစ်ကြောင်း၊ ပင်ကိုယ်ဗီဇကပင် ဉာဏ်ရည်ဉာဏ်သွေးနှင့်ပြည့်စုံကြ သူများဖြစ်ပြီး၊ လုံ့လဝီရိယရှိသူများဖြစ်ကြ၍ ယခုကဲ့သို့ ထူးချွန်စွာ အောင်မြင်ကြခြင်းဖြစ်ရာ နောင် တစ်ချိန်တွင် နိုင်ငံတော်အတွက်အားထားရသည့် လူငယ်များဖြစ်အောင် ကြိုးစားသွားကြမည်ဟု ယုံကြည်မျှော်လင့်ပါကြောင်း၊ 

ယခုနှစ်တွင် ဝန်ကြီးဌာနမှ သင်တန်းထူးချွန်ဆုရရှိသူ နိုင်ငံ့ဝန်ထမ်းအရေအတွက်မှာ ယခင် နှစ်များကထက် ပိုမိုများပြားလာသည်ကိုတွေ့ရှိရသဖြင့် ဝန်ကြီးဌာနအတွက် များစွာ ဝမ်းမြောက် ဂုဏ်ယူပါကြောင်း၊ ထူးခြားမှုတစ်ခုမှာ စိန်ရတုလွတ်လပ်ရေးနေ့အထိမ်းအမှတ် နိုင်ငံတော်စီမံ အုပ်ချုပ်ရေးကောင်စီဥက္ကဋ္ဌဖလား ဝန်ကြီးဌာနပေါင်းစုံဘောလုံးပြိုင်ပွဲတွင် မိမိတို့ဝန်ကြီးဌာန ကိုယ်စားပြုဘောလုံးအသင်း ပထမဒိုင်းဆုကြီးကို ဆွတ်ခူးနိုင်ခဲ့ခြင်းပင်ဖြစ်ပါကြောင်း၊ ဘောလုံး အသင်း၏ ထူးချွန်ပြောင်မြောက်စွာ ပါဝင်ယှဉ်ပြိုင်ကစားခဲ့မှုများ၊ ဝန်ကြီးဌာနရှိ ဌာနအဖွဲ့အစည်း များမှဝန်ထမ်းများ၏ စည်းလုံးညီညွတ်စွာတစ်ခဲနက်အားပေးချီးမြှင့်မှုများ၊ တာဝန်ရှိသူအဆင့်ဆင့် က အနီးကပ်ကြီးကြပ်ကွပ်ကဲမှုများကြောင့် နှစ်များစွာဝေးကွာခဲ့သည့် ပထမဒိုင်းဆုကြီးကို ယခု တစ်ဖန် ပြန်လည်ဆွတ်ခူးနိုင်ခဲ့ခြင်းဖြစ်၍ ယခုကဲ့သို့ ထိုက်တန်စွာရရှိခဲ့သည့် အစဉ်အလာကောင်း ကို ဆက်လက်ထိန်းသိမ်းပြီး အောင်ပွဲများ ဆက်လက်ရရှိနိုင်အောင် ကြိုးစားကြစေလိုကြောင်း။

ထို့ပြင် ယခင်နှစ်များနှင့်မတူဘဲ (၇၆) နှစ်မြောက် ပြည်ထောင်စုနေ့အထိမ်းအမှတ် ဝန်ကြီး ဌာနအဆင့် ဆောင်းပါး၊ စာစီစာကုံးနှင့် ကဗျာပြိုင်ပွဲများတွင် ဆုများရရှိခဲ့ကြသည့်ဝန်ထမ်းများကို လည်း ချီးမြှင့်ထားပါကြောင်း၊ ဆုရရှိသူဝန်ထမ်းများ အနေဖြင့်ရရှိပြီးဖြစ်သည့်ဂုဏ်ကိုဆက်လက် ထိန်းသိမ်းပြီး ယခုထက်ပိုမိုကြိုးစားဆောင်ရွက်ကြခြင်းဖြင့် နိုင်ငံတော်၊ ဝန်ကြီးဌာနနှင့် မိမိတို့၏ ဂုဏ်ကို မြှင့်တင်နိုင်ကြသူများ၊ နိုင်ငံတော်၏ကျေးဇူးသစ္စာကို တုံ့ပြန်ပေးဆပ်နိုင်ကြသူများဖြစ် နိုင်ကြစေရန် ဆန္ဒပြုပါကြောင်း စသည်ဖြင့်ပြောကြားသည်။ 

ထို့နောက် ဒုတိယဝန်ကြီးချုပ်နှင့် ပြည်ထောင်စုဝန်ကြီး၊ ဒုတိယဝန်ကြီးများနှင့် ဌာနဆိုင်ရာ အကြီးအကဲများက ၂၀၂၂-၂၀၂၃ ပညာသင်နှစ်တွင်  တက္ကသိုလ်ဝင်စာမေးပွဲ၌ (၆) ဘာသာဂုဏ်ထူး ရှင် (၂)ဦး၊ (၅) ဘာသာဂုဏ်ထူးရှင် (၁)ဦး၊ (၄) ဘာသာဂုဏ်ထူးရှင် (၉)ဦး၊ (၃) ဘာသာဂုဏ်ထူးရှင် (၁၁) ဦး၊ (၂) ဘာသာဂုဏ်ထူးရှင် (၁၇)ဦး၊ (၁) ဘာသာဂုဏ်ထူးရှင် (၄၄) ဦး၊ နိုင်ငံ့ဝန်ထမ်းတက္ကသိုလ် သင်တန်းများတွင် ထူးချွန်ဆုရရှိသူ (၂၇) ဦး၊ ဝန်ကြီးဌာနအဆင့် သင်တန်းများတွင် ထူးချွန်ဆုရရှိသူ (၉) ဦး၊ (၇၅) နှစ်မြောက် စိန်ရတုလွတ်လပ်ရေးနေ့အထိမ်းအမှတ် နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌဖလား ဝန်ကြီးဌာနပေါင်းစုံဘောလုံးပြိုင်ပွဲတွင် တံခွန်စိုက်ဆု ဖလားကြီးကိုရရှိခဲ့သည့် ဝန်ကြီးဌာနကိုယ်စားပြုဘောလုံးအသင်းနှင့် (၇၆)နှစ်မြောက်ပြည်ထောင်စု နေ့အထိမ်းအမှတ် ဝန်ကြီးဌာနအဆင့် ဆောင်းပါး၊ စာစီစာကုံးနှင့် ကဗျာပြိုင်ပွဲများတွင် ဆုရရှိခဲ့ကြသည့် ဝန်ထမ်း (၁၄) ဦးတို့အား ဂုဏ်ပြုဆုများနှင့် ၂၀၂၃-၂၀၂၄ ပညာသင်နှစ်တွင် နေပြည်တော်ရှိ အခြေခံပညာ ကျောင်းများ၌ ပညာသင်ကြားနေကြသော ဝန်ထမ်းသားသမီးများသို့ ပညာသင် ထောက်ပံ့ကြေး များကို ချီးမြှင့်ပေးအပ်ပါသည်။

    အခမ်းအနားအပြီးတွင် ဒုတိယဝန်ကြီးချုပ်နှင့် ပြည်ထောင်စုဝန်ကြီး၊ ဒုတိယဝန်ကြီးများ၊ ဌာနဆိုင်ရာအကြီးအကဲများသည် ဆုရကျောင်းသားကျောင်းသူများ၊ သင်တန်းထူးချွန်ဆုရရှိသူများ နှင့် အားကစားထူးချွန်ဆုရရှိသူများနှင့် အမှတ်တရ စုပေါင်းမှတ်တမ်းတင် ဓာတ်ပုံရိုက်ကူးခဲ့ကြပြီး၊ ဒုတိယဝန်ကြီးချုပ်နှင့် ပြည်ထောင်စုဝန်ကြီးက ရင်သွေးငယ်များအား ထူးချွန်အောင်ပြုစုပျိုးထောင် ပေးခဲ့ကြသည့် မိဘဝန်ထမ်းများနှင့် ကြိုးစားဖြေဆိုအောင်မြင်ခဲ့ကြသည် ထူးချွန်သူ ကျောင်းသား ကျောင်းသူများအား ရင်းရင်းနှီးနှီးနှုတ်ဆက်အားပေးခဲ့ကြောင်း သတင်းရရှိပါသည်။      
သတင်းစဉ်