စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းသည် ယနေ့ မွန်းတည့် ၁၂ နာရီတွင် မြန်မာနိုင်ငံဆိုင်ရာ ကိုရီးယားသမ္မတနိုင်ငံ သံအမတ်ကြီး H.E Mr. Lee Sang-hwa ဦးဆောင်သော ကိုယ်စားလှယ်အဖွဲ့အား စီမံကိန်းနှင့် ဘဏ္ဍာရေး ဝန်ကြီးဌာန ရုံးအမှတ် (၂၆) ၌ လက်ခံတွေ့ဆုံသည်။

          ထိုသို့တွေ့ဆုံရာတွင် ပြည်ထောင်စုသမ္မတ မြန်မာနိုင်ငံတော်အစိုးရဘက်မှ လုပ်ငန်းရှင် များနှင့် ကိုရီးယားသမ္မတနိုင်ငံ အစိုးရဘက်မှ လုပ်ငန်းရှင်များအကြား စီးပွားရေးလုပ်ငန်းများ ပူးပေါင်းဆောင်ရွက်ရေးဆိုင်ရာကိစ္စရပ်များ၊  အသေးစားအလတ်စားစီးပွားရေးကဏ္ဍ၊ လယ်ယာ ကဏ္ဍပူးပေါင်းဆောင်ရွက်ရေး၊ အာမခံလုပ်ငန်း ဖွံ့ဖြိုးတိုးတက်ရေး၊ အခွန်ဆိုင်ရာကိစ္စရပ်များကို ဆွေးနွေးခဲ့ကြသည်။

ဆက်လက်၍ ပြည်ထောင်စုဝန်ကြီးသည် မြန်မာနိုင်ငံဆိုင်ရာ ဗီယက်နမ်နိုင်ငံသံအမတ်ကြီး H.E. Dr. Luan Thuy Doung အားမွန်းလွဲ ၁ နာရီတွင်တွေ့ဆုံ၍ နှစ်နိုင်ငံ ဆက်ဆံရေး ပိုမို မြင့်မားအောင် ဆောင်ရွက်ရန်၊ နှစ်နိုင်ငံစီးပွားရေးပူးပေါင်းဆောင်ရွက်ရန်၊ နားလည်မှု စာချွန်လွှာ လက်မှတ်ရေးထိုးနိုင်ရေးနှင့် ဆက်သွယ်ရေးကဏ္ဍဆိုင်ရာကိစ္စရပ်များကိုဆွေးနွေးခဲ့ကြသည်။

တွေ့ဆုံပွဲသို့ စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးဆက်အောင်၊ အမြဲတမ်းအတွင်းဝန် ဦးထွန်းထွန်းနိုင်နှင့် တာဝန်ရှိသူများ၊ ကိုရီးယားသမ္မတနိုင်ငံနှင့် ဗီယက်နမ် နိုင်ငံသံရုံးတို့မှ သံအမတ်ကြီးများနှင့် တာဝန်ရှိသူများ တက်ရောက်ခဲ့ကြကြောင်း သတင်း ရရှိသည်။

(သတင်းစဉ်)

နေပြည်တော် ဧပြီ ၁၀