ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာနမှ အရာထမ်းများ၏ စွမ်းဆောင်ရည် တိုးတက်မြင့်မားစေရန်အတွက် International Finance Corporation (IFC) ၏ ပံ့ပိုးကူညီမှုဖြင့် Investment Promotion and Aftercare Service သင်တန်းအား  ၂၀၁၈ ခုနှစ် စက်တင်ဘာလ ၁၉ ရက်နေ့တွင် ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာန(ရုံးချုပ်)၌ ကျင်းပပြုလုပ်ခဲ့ပါသည်။

အဆိုပါသင်တန်းတွင် ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ညွှန်ကြားရေးမှူးချုပ် ဦးအောင်နိုင်ဦးက အဖွင့်အမှာစကားပြောကြားခဲ့ပြီး International Finance Corporation (IFC) မှ Investment Promotion Workstream Leader ဖြစ်သူ Mr. Armando E. Heilbron က Investment Promotion Principles ခေါင်းစဉ်ဖြင့် ဆွေးနွေးခဲ့ပါသည်။ တက်ရောက်လာသူများမှ ရင်းနှီးမြှုပ်နှံမှုမြှင့်တင်ရေးနှင့် စပ်လျဉ်း၍ ဆွေးနွေးခဲ့ကြပါသည်။

Investment Promotion and Aftercare Service သင်တန်းသို့ ရင်းနှီးမြှုပ်နှံမှု နှင့်ကုမ္ပဏီများညွှန်ကြားမှုဦးစီးဌာနမှ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် အရာထမ်းများ စုစုပေါင်း(၃၅)ဦး တက်ရောက်ခဲ့ပါသည်။