_0.png)
, 
စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၏ အခြေခံကွန်ပျူတာသင်တန်း (၁/၂၀၂၄) ဖွင့်ပွဲအခမ်းအနားကို ၂၀၂၄ ခုနှစ်၊ မေလ (၈) ရက်နေ့၊ နံနက် (၁၀း၀၀) နာရီ အချိန်တွင် စီမံကိန်းရေးဆွဲရေးဦးစီးဌာန၏ PFM လေ့ကျင့်သင်ကြားရေးခန်းမ၌ ကျင်းပပြုလုပ်ခဲ့ပါသည်။
သင်တန်းဖွင့်ပွဲအခမ်းအနားတွင် ဒုတိယညွှန်ကြားရေးမှူးချုပ်က အဖွင့်အမှာစကား ပြောကြားရာ၌ အရာရှိ၊ ဝန်ထမ်းများ ကွန်ပျူတာအခြေခံအချက်အလက်များကို နားလည်တတ်မြောက်စေရန်၊ အခြေခံမှစ၍ ကျွမ်းကျင်အဆင့်အထိ ဆက်လက်လေ့လာသွားရန်နှင့် ကွန်ပျူတာနှင့်ဆက်စပ်သော ရုံးလုပ်ငန်းများတွင် ကျွမ်းကျင်ပိုင်နိုင်စွာဆောင်ရွက်နိုင်ရန် ရည်ရွယ်၍ဖွင့်လှစ်ရခြင်းဖြစ်ကြောင်း လမ်းညွှန်မှာကြားပါသည်။
အဆိုပါသင်တန်းဖွင့်ပွဲအခမ်းအနားတွင် ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် သင်တန်းသား၊ သင်တန်းသူ စုစုပေါင်း (၂၂) ဦး တက်ရောက်ကြပါသည်။