အစိုးရဌာန၊အဖွဲ့အစည်းများ၏ ပြည်သူ့ဘဏ္ဍာရေးစီမံခန့်ခွဲမှု ခိုင်မာအားကောင်းလာစေရန် အတွက် Budget Restructuring and Analysis Tools အလုပ်ရုံဆွေးနွေးပွဲကို ၂၀၁၉ ခုနှစ်၊ သြဂုတ်လ (၁၅) ရက်နေ့တွင် Kempinski Hotel ၊ နေပြည်တော်၌ စီမံကိန်းနှင့် ဘဏ္ဍာရေး ဝန်ကြီးဌာနအောက်ရှိ ရသုံးမှန်းခြေငွေစာရင်းဦးစီးဌာန နှင့် IMF, Fiscal Affairs Department , CDOT တို့မှ ပူးပေါင်းကျင်းပခဲ့ပါသည်။ အဆိုပါ အလုပ်ရုံဆွေးနွေးပွဲသို့ စီမံကိန်းနှင့် ဘဏ္ဍာရေး ဝန်ကြီးဌာန၊ ရသုံးမှန်းခြေငွေစာရင်းဦးစီးဌာနမှ  ညွှန်ကြားရေးမှူးချုပ် တက်ရောက်၍ အဖွင့်အမှာ စကားပြောကြားခဲ့ပါသည်။ အလုပ်ရုံဆွေးနွေးပွဲသို့ ပြည်သူ့ဘဏ္ဍာရေးစီမံခန့်ခွဲမှု ခေတ်မီဖွံ့ဖြိုးတိုးတက်ရေး စီမံကိန်းအကောင်အထည်ဖော်နေသည့်ဌာန၊ အဖွဲ့အစည်းများ ဖြစ် သည့် ပြည်ထောင်စုလွှတ်တော်ရုံး၊ ပြည်သူ့ငွေစာရင်းပူးပေါင်းကော်မတီ၊ ပြည်ထောင်စုစာရင်း စစ်ချုပ်ရုံး၊ စီမံကိန်း ရေးဆွဲရေးဦးစီးဌာန၊ စီမံကိန်းစိစစ်ရေးနှင့်တိုးတက်မှုအစီရင်ခံရေးဦးစီးဌာန၊ မြန်မာ့စီးပွားရေးဘဏ်၊ ရသုံးမှန်းခြေငွေစာရင်းဦးစီးဌာန၊ ပြည်တွင်းအခွန်များဦးစီးဌာန၊ ငွေတိုက် ဦးစီးဌာနတို့မှ ဖိတ်ကြားထားသော အရာထမ်း၊ အမှုထမ်းများ တက်ရောက်ခဲ့ကြပါသည်။

            အဆိုပါ အလုပ်ရုံဆွေးနွေးပွဲတွင် IMF မှ PFM Advisor, Mr.Holger Van Eden သည် “Restructuring the Budget Using a Medium-term Perspective” ခေါင်းစဉ် အောက်တွင် Medium-Term Fiscal Framework ၌ Fiscal Space တွက်ချက်ခြင်းနှင့် Well-Costed Expenditures Baselines Form ကို Budgetary Saving targets များ ဖော်ထုတ်ရန်  အသုံးပြုပုံတို့ကို ပို့ချခြင်း၊ “Budget Analysis Tools” ခေါင်းစဉ်အောက်တွင် လက်ရှိအသုံးစရိတ် နှင့် အသုံးစရိတ်အသစ် တို့ကို လေ့လာဆန်းစစ်သည့် ချဉ်းကပ်မှုပုံစံတို့ကို ဆွေးနွေး၍ အသုံးစရိတ်များ ထိရောက်အကျိုးရှိစေမည့် Program များနှင့် Reallocation များကို ဆန်းစစ်ရန်  Performance Indicators များ အသုံး ပြုသည့် Case Study နှင့် Group Exercises များ ပြုလုပ်၍ အုပ်စုအလိုက် မိမိတို့၏ တွေ့ရှိချက် များ၊ ယူဆချက်များကို ရှင်းလင်းဆွေးနွေးခဲ့ကြပါသည်။