စီမံကိန်းနှင့်ဘဏ္ဍာရေးဝန်ကြီးဌာန၊ ရသုံးမှန်းခြေငွေစာရင်းဦးစီးဌာန၊ ညွှန်ကြားရေးမှူးချုပ် ဒေါ်သီတာထွန်း ဦးဆောင်သောအဖွဲ့နှင့် အပြည်ပြည်ဆိုင်ရာငွေကြေးရန်ပုံငွေအဖွဲ့မှ 2019 IMF Staff Visit Mission  အဖွဲ့တို့သည် ၂၀၁၉ ခုနှစ် ၊ ဇွန်လ(၂၄) ရက်နေ့၊ နေ့လယ် (၃:၀၀) နာရီ အချိန်တွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ် (၂၆)၊ ရသုံးမှန်းခြေငွေစာရင်းဦးစီး ဌာန၊ အစည်းအဝေးခန်းမ၌ မြန်မာနိုင်ငံ၏ မေခရိုစီးပွားရေးအလားအလာများ၊ မေခရိုစီးပွားရေး ဆိုင်ရာ မူဝါဒများအား ဆွေးနွေးရန်  တွေ့ဆုံခဲ့ကြပါသည်။ အဆိုပါ ဆွေးနွေးပွဲတွင် ၂၀၁၈-၂၀၁၉ ခု၊ ဘဏ္ဍာရေးနှစ် ဘတ်ဂျက်အကောင်အထည်ဖော်နိုင်မှု အခြေအနေများနှင့် GFS Format တွင် စာရင်း ဖြည့်သွင်းထားရှိမှု အခြေအနေများ၊ ၂၀၁၉-၂၀၂၀ ခု၊ ဘဏ္ဍာရေးနှစ် ဘဏ္ဍာငွေအရ အသုံး ဆိုင်ရာ ဥပဒေအတည်ပြုပြဌာန်းရန် ဆောင်ရွက်ထားရှိမှု အခြေအနေများကို ဆွေးနွေးခဲ့ကြပါ သည်။